Sen. “Bato”, nadale ng COVID-19, wehh!?

ni Ka Ambo - @Bistado | November 22, 2020

Tinamaan ng COVID-19 si Sen. “Bato” dela Rosa.

Huh, kahit natutulog lang siya maghapon?

◘◘◘

Ayon kay Senate president “Tito” Sotto, dalawang senador na ang nabakunahan ng anti-COVID-19 vaccine.

Sabi ko nga sa inyo: Mauuna ang mayayaman, eh!

◘◘◘

Gumagrabe ang COVID-19 sa Davao.

Huh, delikado si P-Digong!

◘◘◘

Nakarekober na raw ang ekonomiya.

‘Yan ay ayon mismo rin sa mayayaman!

◘◘◘

Sa panahon ng krisis, ang mayayaman ay lalong yayaman.

Ang mahirap sa panahon ng pandemic ay lalong magdarahop!

◘◘◘

Wala ba kayong napapansin?

Kaliwa’t kanan ang “nanlalaban”?

◘◘◘

Ano ang senaryo ng bansa sa huling 18 buwan ng Duterte Administration?

Masaya o malagim?

◘◘◘

Matatapos na ang pandemic sa kalahatian ng 2021.

Ang problema, ang magsisimula naman ang resbak ng Biden Administration sa ‘Pinas sa panahon din ‘yan!

◘◘◘

Para makalmante ang mga Pinoy, kailangan maareglo ni P-Digong ang Democrats sa Washington.

Hindi na puwedeng murahin ngayon ni P-Digong si Biden.

Sige, subukan niya!

◘◘◘

May bagong logo ang Bangko Sentral ng Pilipinas.

Imbes na line-drawing ng ulo ng agila, papalitan ito ng mabruskong all-body shot ng isang agila.

Kumbaga, isang agila na bagong-turok ng bakuna!

◘◘◘

Ngayon lang ako nakaranas ng “isang buong taon” na maraming personal kong kakilala ang namatay” at marami pa ring personal na kakilala na “nakaratay”.

Hanggang kailan?