Sara, kapag na-out — Panelo... Robin, next pangulo

ni Mylene Alfonso @News | July 25, 2026

Photo: Salvador Panelo at Robin Padilla - FB

Tiwala si dating Chief Presidential Legal Counsel Atty. Salvador “Sal” Panelo na may kakayahan si Senador Robin Padilla na mamuno sa bansa at maaari itong maging susunod na pangulo kung hindi tatakbo si Vice President Sara Duterte sa 2028 elections.

“'Pag hindi tumakbo si Inday Sara for whatever reason, papatakbuhin natin si Robin Padilla. Siya susunod na presidente. Tandaan n'yo 'yung sinabi ko. Magiging presidente 'yan,” diin ni Panelo.

Depensa pa niya na hindi dapat maliitin ng publiko at ng media ang kakayahan ni Padilla dahil marami ring nagduda rito bago ang 2022 elections, ngunit nanguna pa rin ang senador sa senatorial race.