Sara Duterte hindi dadalo sa Comelec VP debate

ni Jasmin Joy Evangelista | February 25, 2022

Hindi dadalo si Vice presidential candidate at Davao City Mayor  Sara Duterte-Carpio sa debate na inorganisa ng Commission on Elections (Comelec), ayon sa kanyang spokesperson nitong Huwebes ng gabi.

Ayon kay Liloan Mayor Christina Frasco, na siya ring spokesperson ni Duterte-Carpio, hindi nakatanggap ng pormal na paanyaya ang vice presidential candidate mula sa Comelec hinggil sa naturang debate.

“Vice presidential candidate Sara Duterte and her team have not received any formal invitation from the Comelec to join the debate despite their public announcement of her confirmation to attend the event,” ani Frasco sa isang text message.

“Be that as it may, whether or not there is an invitation, Sara Duterte will not be attending the debate,” dagdag niya.

Nakatakdang ganapin sa Marso 20 ang debate ng mga vice presidential candidates, ayon sa Comelec

Sinabi ni Comelec spokesperson James Jimenez na lahat ng vice presidential candidates, maliban kay House Deputy Speaker Lito Atienza, ay dadalo sa debate.