ni MC - @Sports | January 18, 2022
Nagtarak ng straight-sets victory ang Saitama Ageo Medics laban sa Kurobe AquaFairies, Linggo ng hapon sa Japan V.League sa Saitama City Memorial Gymnasium.
Isang clutch hit ni Pinay import Jaja Santiago ang nagbigay ng kalamangan sa second set upang matulungan ang Ageo Medics na rumehistro ng 25-14, 26-24, 25-12 na panalo at kumpletuhin ang pagwalis nitong weekend sa AquaFairies.
Nakapagtala na ang Ageo Medics ng limang panalo sa huling 6 na laro ngayong 2021-22 season para sumampa ang winning record sa 10-6.
Noong Sabado, nakabawi ang Saitama sa second set na pagkaiwan hanggang sa talunin ang Kurobe, 25-20, 22-25, 25-23, 25-19.
Tila mapupuruhan na naman ang team niya sa second set noong Sabado ng hapon, nang makahabol ang AquaFairies mula sa matamlay na simula at trumangko agad ng 10-3. Isang hataw mula kay Kurobe middle blocker Aya Hosonuma ang nagpatarak para sa 23, pero umatake si Mako Shiina para sa Saitama tungo sa isang set point, 24-23.
Samantala, handa na ang lahat ng team participants sa 3rd Metropolitan Chess League Batang U16 Team Battle 10+5 Chess Tournament sa January 23, Linggo na magsisimula ng 5 p.m. "Magandang programa ito ng Youth Chess Development ng Metropolitan Chess League Batang U16," ayon kay Coach Franco Camillo, Team Manager ng Pasig City Grassroots Team na kampeon ng nakaraang 2nd MCL Batang U16. Ang mga kasalukuyang kasali ay ang Future Masters Team 1,2 &3 ni NA Cesar Calopez, SSS Kids Team 1&2 ni NA Dioniver Medrano, Pasig City Grassroots Team 1&2 ni Coach Gerry Nudalo, Bicol Young Masters Team 1 & 2 ni Team Manager June Haig at Coach Israel Lastra Aves, The Knights Fork Team ni Bev Chua Garcia, ECA Knights Fork Team ni Coach/Team Manager Ederwin Estavillo, PFCC Wild Knight Team ni Coach Slem Gentalao. Ang torneo ay pinamumunuan nina NA Boyet Tardecilla, NA Francis Ramos at sa livestreaming ni Coach Francis Buenaventura. Ang Metropolitan Chess League MCL ay nasa kapahintulutan ng PPKGCC Pwede Pa Kami Group Chess Club, NCFP Affiliated.