Sa tampuhan nila nina Kiko at Frankie… “I UNFOLLOWED, BUT I WILL NEVER UNLOVE” — KC

ni Beth Gelena @Bulgary Files | September 8, 2023

Nagpadala ng statement si KC Concepcion na ibinahagi ni Kuya Boy Abunda sa kanyang programang Fast Talk.

Ito ay patungkol sa pag-unfollow ng panganay na anak ni Sharon Cuneta kay Gabby Concepcion sa kanyang stepfather na si Kiko Pangilinan at sa kanyang half-sister na si Frankie Pangilinan.

Binasa ni Kuya Boy sa programa niyang FTWBA ang sulat ni KC, “I unfollowed, but I will never unlove,” ang sabi ni KC.

Esplika pa ng King of Talk, “She was supposed to come here to the show after her press conference and after some interviews she granted.”

Sa halip daw na mag-guest si KC sa programa ni Kuya Boy, pinadalhan na lang siya nito ng mensahe o statement.

Sabi pa ng dalaga, “Pakalmahin muna natin, Tito.”

Pagpapatuloy ni Kuya Boy sa pagbasa ng message ni KC, “I have learned my place in people’s lives and out of respect, I will not overplay my part.

"I am forever grateful to have experienced the love of a father through the experience of having a stepfather since I was 12 years old. I'm sure hindi rin po perfect ang journey niya but I know he's trying his best. I would like to believe na naging mabuting anak din po ako... Ako po ay hindi perpekto pero nagmamahal po ako nang totoo.

“However, this is the season of my life po kung saan kaligayahan ko naman po ang pinahahalagahan ko. Hindi na ako bata, Tito. I realize po na life is so short, sayang po kung aksayahin natin ang time with negativity. I just want the family to be happy.

“And yes, I unfollowed on a social media platform— but it will not unfollow the lessons I have learned growing up into the woman I am today. I unfollowed, but I will never unlove. Family is family. Don't worry, naniniwala naman po ako na we have enough love to overcome this. I have faith na somehow God will bring us all to happy place, one day,” ang mahabang statement na ipinadala ni KC kay Kuya Boy.