Sa selebrasyon ng 2nd anniv… MAINE, IBINULGAR ANG MGA GINAWA NILA NI ARJO SA PALAWAN

ni Nitz Miralles - @Bida | January 3, 2021

Napanood namin sa YouTube channel ni Maine Mendoza ang vlog ng bakasyon nila ni Arjo Atayde sa El Nido, Palawan na selebrasyon din ng second anniversary nila as a couple. Hindi lang pala sina Arjo at Maine ang pumunta ng El Nido dahil kasama nila ang pamilya at mga kaibigan ng Dubsmash Queen.

Pati dalawang pamangkin ni Maine, kasama nila sa El Nido at aliw ang eksenang tila may competition kung sino ang mauunang makaubos sa pagkain ng saging. Malaking grupo sila, kaya masaya.

Naalala namin, may nabasa kaming comment ng AlDub fans na maniniwala lang sila na magkasama sina Maine at Arjo sa El Nido kapag may video. Heto at inilabas na ni Maine ang video sa kanyang vlog, ano kaya ang masasabi ng mga ayaw maniwalang for real ang Maine at Arjo relationship?