Sa pagka-presidente… ROBIN VS. VICO SA 2028

ni Julie Bonifacio @Winner | May 23, 2025

Photo: Vico Sotto at Robin Padilla - IG

Nananatili pa rin si Senator Robinhood Padilla sa The Hague, Netherlands bilang pagbibigay ng suporta kay former President Rodrigo Roa Duterte.

Matapos ngang i-announce noon ni dating Presidential Spokesperson Harry Roque na si Robin ang napipisil na maka-tandem bilang VP ni Sara Duterte sa 2028 elections, 

kalat naman ngayon sa X (dating Twitter) ang piktyur ni Sen. Robinhood na may nakasulat na posibleng tumakbo ang mister ni Mariel Rodriguez hindi lang bilang VP kundi bilang presidente sa 2028 national elections.

Nakalagay sa post, “Sen. Robinhood Padilla: Possible 2028 Presidential or VP candidate.”

Kung mangyayari ‘yan sa 2028, makakatapat ni Sen. Robinhood si Pasig City Mayor Vico Sotto sa presidential election.

Oh, ‘di ba, tinawag ni Bossing Vic Sotto ang kanyang anak na si Vico na “the next President”?

Abangan na lang!

---

Ipinakilala na ng anak sa US… PACQUIAO AT JINKEE, PROUD SA MEXICAN GF NI JIMUEL

Early this week ay naispatan na namin ang post ni Jinkee Pacquiao sa kanyang Instagram (IG). Agad na kumuha ng atensiyon namin ang babaeng kasama nina Jinkee, mister na si Manny Pacquiao at panganay na anak nilang si Jimuel.

Never pa kasing lumantad ang babaeng katabi ni Jimuel sa piktyur na naka-angkla ang kamay sa braso ng anak ng boxing champ habang namamasyal sa Amerika.

Nasa US si Manny para maghanda sa pagbabalik niya sa boxing arena pagkatapos mapabagsak ng mga Pinoy sa kanyang senatorial bid last election.

Habang si Jimuel naman ay matagal nang nasa US dahil sa kanyang boxing career.

Bukod sa mala-‘family picture’ nina Jinkee with the girl na ang description ng mga netizens ay mukhang Mexicana, may iba pang pictures ang nanay ni Jimuel kung saan magkabeso-beso pa sila ng mukhang Mexican girl and rumored GF daw ng 24-year-old nang eldest child nila ni Manny.

May larawan na ipinost si Jinkee na magka-holding hands habang naglalakad si Jimuel at ‘yung mukhang Mexican girl.

Obviously, proud si Jinkee sa kanyang future daughter-in-law kaya may-I-post siya sa socmed (social media) ng mga larawan nila.

Si mukhang Mexican girl ang ikatlong babae na na-link at naging girlfriend ni Jimuel.

Last girlfriend ni Jimuel ay ang Kapamilya star na si Arabella del Rosario.

Noong December, 2020, isinapubliko ng dalawa ang kanilang pagmamahalan nang mag-post si Jimuel sa X (dating Twitter) ng mga larawan niya kasama si Arabella.

At siyempre, ang unang nabalita sa publiko na girlfriend ni Jimuel ay walang iba kundi si Heaven Peralejo.