Sa lahat ng ex-BF sa showbiz… BEA, KAY DOMINIC LANG NAKAHANAP NG PEACE OF MIND

ni Erlinda Rapadas @Teka Nga | August 5, 2023

Excited at tuwang-tuwa ang mga fans ni Bea Alonzo matapos ang ginawang pagpo-propose ng nobyong si Dominic Roque. Sa wakas ay nakatagpo na rin si Bea ng isang lalaking seryoso sa relasyon at handa siyang pakasalan.

Walang ulterior motive sa kanya si Dominic kumpara sa mga naging karelasyon niya noon. Hindi ang yaman ni Bea ang habol ng boyfriend. Isang self-made man si Dominic, may sarili itong negosyo bago pa siya sumubok na mag-artista.

Hindi siya ang tipo ng lalaking aasa at sasandal sa kanyang karelasyon. Hardworking at goal-oriented si Dominic kaya masuwerte si Bea na nakatagpo siya ng mabait at disenteng lalaki. Kaya ang payo kay Bea ng lahat ay ‘wag na niyang pakawalan pa ang nobyo. Bibihira ang kalaking katulad nito. Sabi nga ng aktres sa isang interview, sa piling ni Dominic niya nararanasan ang kapayapaan ng loob kapag sila ay magkasama.

Inilalayo siya nito sa magulo at maingay na mundo ng showbiz.