Sa GMA-7 pumirma dahil may 2 serye… HIPON GIRL, INISNAB ANG CONDO AT MALAKING TF SA AMBS

ni Erlinda Rapadas - @Teka Nga | September 16, 2022

Kung sa AMBS pala pumirma ng kontrata si Herlene Budol a.k.a. Hipon Girl ay may studio type condo na offer sa kanya, plus malaking talent fee. 'Yan ang info ng ilang insiders ng ALLTV Channel 2.

Pero, hindi nga natuloy si Herlene sa AMBS at mas pinili ang offer ng GMA Network.

Dalawang teleserye raw agad ang inihahanda para kay Hipon Girl.

Hindi sa pagho-host isasabak si Herlene kundi ibi-build-up bilang dramatic actress.

Anyway, may mga netizens ang nagtatanong kung guaranteed contract ba ang lahat ng celebrities na pinapirma ng AMBS o ALLTV tulad nina Toni Gonzaga, Mariel Padilla at Anthony Taberna?

Balitang susunod na rin na pipirma sa AMBS Network sina Randy Santiago, Jay-R at Kris Lawrence. Magkakasama-sama sila sa show na Instajam.

Samantala, ang game show naman ni Willie Revillame na Wowowin ay sa primetime slot ilalagay, 7 to 8:30 PM. Ayaw ni Revillame na makipagsabayan sa mga noontime shows tulad ng Eat…

Bulaga!, It's Showtime at Tropang LOL.! Pero, ang babanggain naman ng Wowowin ay ang mga news programs ng malalaking network.

Ayon kay Willie, choice naman ng mga viewers kung ano'ng show ang gusto nilang panoorin.

Basta naniniwala siyang susuportahan pa rin ng mga dating viewers ang Wowowin.