Sa 8th EDDYs… MARIAN, MYLENE, JANE, SHAMAINE, SUE AT JUDAY, LABAN-LABAN SA BEST ACTRESS

ni Janiz Navida @Showbiz Special | July 2, 2025

• 

• 

• 

• 

• 

8th EDDYS

Pormal nang inihayag kahapon ang mga nominado sa iba’t ibang kategorya sa gaganaping 8^th Entertainment Editors’ Choice Awards (The EDDYS) ng grupong The Society of Philippine Entertainment Editors (SPEEd) sa July 20 sa Ceremonial Hall ng Marriott Grand Ballroom sa Pasay City.

Sa Nominees Announcement ng SPEEd sa Rampa Bar sa Tomas Morato kahapon, dumating sina Max Eigenmann (Best Actress winner at the 6th EDDYS) at RS Francisco (recipient of this year’s Isah V. Red award ng EDDYS) na nagbasa ng mga nominado sa major categories, habang nagmistulang mini-concert ang performance ng Asia’s Timeless Diva na si Ms. Dulce sa kanyang medley ng paborito niyang English at Cebuano songs.

Tiyak na ngayon pa lang ay nagbubunyi na ang team ng Green Bones dahil sila ang nakakuha ng pinakamaraming nominasyon mula sa major at technical categories – 9 in total!     

Sumunod naman ang Hello, Love, Again na may walong nominasyon, habang ang Isang Himala at Outside ay may tig-pitong nominasyon.

Ang maglalaban-laban sa Best Picture ay Green Bones, Hello, Love Again, Isang Himala, Love Child, Outside, at Under a Piaya Moon.

Sa Best Director category, nominado sina Cathy Garcia-Sampana (Hello, Love Again), Pepe Diokno (Isang Himala), Zig Dulay (Green Bones), Jonathan Jurilla (Love Child), Carlo Ledesma (Outside), and Kurt Soberano (Under a Piaya Moon).

Sa Best Actress, nominado sina Shamaine Centenera-Buencamino (Pushcart Tales), Mylene Dizon (The Hearing), Jane Oineza (Love Child), Sue Prado (Your Mother’s Son), Marian Rivera (Balota), and Judy Ann Santos (Espantaho).

Sa Best Actor lineup, nandiyan sina Arjo Atayde (Topakk), Vice Ganda (And the Breadwinner Is...), Sid Lucero (Outside), Alden Richards (Hello, Love, Again), Kokoy de Santos (Your Mother’s Son), Joel Torre (Lolo and the Kid), and Dennis Trillo (Green Bones).

Sa Best Supporting Actress, nominado sina Elora Españo (Your Mother’s Son), Nadine Lustre (Uninvited), Cristine Reyes (The Kingdom), Chanda Romero (Espantaho), Kakki Teodoro (Isang Himala), at Lorna Tolentino (Espantaho).

Sa Best Supporting Actor, maglalaban-laban sina Joross Gamboa (Hello, Love Again), Patrick Garcia (A Journey), Miggy Jimenez (Your Mother’s Son), Ronnie Lazaro (The Gospel of the Beast), Ruru Madrid (Green Bones), at Aga Muhlach (Uninvited).

The Best Screenplay category includes Green Bones, Under a Piaya Moon, Hello, Love Again, Outside, Isang Himala at Love Child.

Other technical and creative categories include:

Best Editing: Green Bones, Hello, Love Again, Love Child, Pushcart Tales, at My Future You

Best Cinematography: Green Bones, Outside, Under a Piaya Moon, Kono Basho at Espantaho

Best Production Design: The Kingdom, Piaya, Outside, Hello, Love Again, at Green Bones

Best Sound: Topakk, Espantaho, Isang Himala, Strange Frequencies: Taiwan Killer Hospital, at The Kingdom

Best Musical Score: Isang Himala, And the Breadwinner Is, Un/Happy for You, Hello, Love Again at Green Bones

Best Theme Song: Isang Himala, Topakk, Guilty Pleasure, Road to Happy at Uninvited

Best Visual Effects: The Kingdom, Espantaho, My Future You, Outside, Strange Frequencies: Taiwan Killer Hospital at Topakk

The 8th EDDYS is co-presented by Newport World Resorts and ABS-CBN, produced by Brightlight Entertainment under Pat-P Daza, and directed by Eric Quizon.

Major presenter naman ang Playtime PH sa pakikipagtulungan ng GLOBE at UNILAB. Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang delayed telecast ng 8^th EDDYS will air on Kapamilya Channel and Jeepney TV, while iWantTFC will stream the program for international viewers starting July 27.

---

Pinagbigyan ang hilig…

ICE AT MGA NAKIRAMAY, NAG-BALLROOM SA HULING BUROL NG MADIR

NAKAKAHAWA ang pag-iyak ni Ice Seguerra habang kinakantahan ang kanyang Mommy Caring ng Everything I Own sa huling pagkakataon bago ito na-cremate kahapon.

Nakapunta kami sa wake ni Mommy Caring last Sunday night at nang yakapin namin si Ice at ang misis niyang si Liza Diño-Seguerra, kita naming pinipilit nilang magpakatatag at harapin nang maayos ang mga nakikiramay, pero ramdam ang mabigat na dala-dala nila sa dibdib sa pagkawala ng ina ng singer-director.

Sa kabila nu’n, pinipilit pa ring ngumiti ni Ice at sinakyan pa nga ang biro naming baka inatake si Mommy Caring nang mag-drag queen siya sa nakaraang birthday ni Liza last June 25 sa Rampa.

At dahil mahilig mag-ballroom si Mommy Caring, last Monday night nga ay nag-ballroom sina Ice sa mismong chapel na kinalalagakan ni Mommy Caring kasama ang ilang kaibigan bilang tribute sa kanyang pinakamamahal na ina.

Napansin nga rin naming hindi naka-barong si Mommy Caring kundi ang dapat palang isusuot nito sa kanyang ballroom session bago pumanaw ang ipinasuot sa kanya nina Ice at Liza.

Well, kilala si Ice na grabeng maapektuhan ng mga pagsubok sa kanyang buhay, pero buti na lang at may Liza Diño na sa kanyang tabi at anak nilang si Amarah na handang dumamay sa kanya at magbigay ng lakas ng loob lalo sa mga ganitong pagkakataon.

Taos-puso kaming nakikiramay sa pamilya at mga naiwan ni Mommy Caring Seguerra. May her soul rest in eternal peace.