Sa 1st death anniv… SHERYL, INUNAHAN SI SEN. GRACE SA PAGDALAW KINA FPJ AT SUSAN

ni Nitz Miralles @Bida | May 24, 2023

Binisita ni Sheryl Cruz noong Sabado (May 20) ang puntod nina Fernando Poe, Jr. at Susan Roces dahil first death anniversary ng kanyang tiyahin na si Ms. Susan.

Ipinost ni Sheryl ang ilang photos sa pagdalaw niya sa puntod ng kanyang tito at tita.

Idinaan ng singer-actress sa paglagay ng mga hashtags ang caption niya: "#MamaInday1stDeathAnniversary,#PaidMyRespectInAdvance, #AshleyTookAfterYouMamaIndsGraduatingSummaCumLaude."

Hindi na sumabay si Sheryl sa ibang mga kamag-anak niya, sa pangunguna ni Sen. Grace Poe na nagdaos pa ng misa para sa yumaong ina na si Ms. Susan.

Anyway, sa isa pang post ni Sheryl, very proud niyang ibinalita na nagtapos ng college ang kanyang anak na si Ashley Nicole Bustos bilang Summa Cum Laude.

Ito na raw ang pinakamagandang regalong kanyang natanggap bilang isang ina noong Mother's Day. Aniya sa caption niya: "#SoProud&BlessedtohaveYouAnak."