Russia, out sa sports events dahil sa umiinit na pag-atake

ni MC - @Sports | February 27, 2022

Habang pilit na kinukubkob ng Russian forces ang Ukraine noong Biyernes, tinanggal na ng sports bodies ang Russia sa mga events, kung saan talo na ang St Petersburg sa Champions League final habang ang Formula One Grand Prix ay hindi na idaraos sa Sochi.

Nag-umpisa na kasing umatake ang Russia sa lupa, sa ere at dagat kasunod ng deklarasyon ng giyera ni President Vladimir Putin kung saan halos 100,000 katao ang nadamay sa mga pagsabog sa mga malalaking siyudad ng Ukraine.

Nagpasya na ang European football governing body UEFA na ilipat ang Champions League final -ang club football's showpiece event sa Stade de France sa Paris matapos na sumuporta si French President Emmanuel Macron.

Wala nang magawa rito ang Kremlin dahil umokey na ito kay UK Culture Secretary Nadine Dorries. "Russia must not be allowed to exploit sporting and cultural events on the world stage to legitimize its unprovoked, premeditated and needless attack against a sovereign democratic state," saad ni Dorries.

Nagpasya na rin ang Formula One, motorsport's governing body FIA at ang teams dahil anila, "impossible to hold the Russian Grand Prix in the current circumstances".

Hindi na raw ligtas ayon kay dating champion Sebastian Vettel at reigning champion Max Verstappen na idaos ang karera sa Russia sa Setyembre. Matapos na tumanggi ang Poland, Sweden at the Czech Republic sa World Cup qualifiers sa Russia, ayon sa UEFA, ililipat ang kompetisyon sa isang neutral venues.