Russia magpapatupad ng 1 week workplace shutdown

ni Jasmin Joy Evangelista | October 22, 2021

Magpapatupad ng isang linggong workplace shutdown sa Russia dahil sa patuloy na pagtaas ng kaso ng COVID-19.

Ito ay inprubahan ni Russian President Vladimir Putin at aniya, ipapatupad ang nasabing workplace shutdown mula Oktubre 30 hanggang Nobyembre 7.

Nakiusap din ang presidente sa mga Russian na magpabakuna na dahil kung hindi bababa ang kaso ng Covid sa kanilang bansa ay mapipilitan silang ipagpatuloy ang lockdowns.

Matatandaang maraming Russian ang ayaw magpabakuna dahil hindi nagtitiwala sa Russian-made vaccine na Sputnik V.

Ayon naman kay Deputy Prime Minister Tatiana Golikova, nasa 87% na ng mga hospital beds ang naka-reserve para sa mga Covid patients.

As of October 20, nasa 8,094,825 na ang naitalang Covid cases sa Russia at 226,353 dito ang namatay na.