Petrochemical facility sumabog, 7 todas

ni Justine Berganio @Overseas News | August 29, 2026

Photo: Chernigovka, Russia - Reuters

Pito ang kumpirmadong nasawi habang siyam na manggagawa ang patuloy na hinahanap matapos sumiklab ang pagsabog at malaking sunog sa Amur Gas Chemical Complex sa Russian Far East.

Naganap ang insidente habang isinasagawa ang startup operations sa malaking petrochemical facility, ayon sa mga paunang ulat.

Bukod sa mga nasawi at nawawala, mahigit 150 manggagawa rin ang nagtamo ng iba’t ibang pinsala matapos ang insidente.

Agad namang nagsagawa ng malawakang search and rescue operation ang mga awtoridad upang matunton ang siyam na nawawalang empleyado.

Kasabay nito, isinailalim sa imbestigasyon ang pasilidad upang matukoy kung ano ang sanhi ng pagsabog at kung may naging pagkukulang sa safety procedures habang isinasagawa ang operasyon.

Ang Amur Gas Chemical Complex ay isang malaking joint petrochemical project ng Russia at China na itinatayo sa rehiyon para palakasin ang produksyon ng petrochemical products at suportahan ang sektor ng enerhiya ng dalawang bansa.

Patuloy namang inaalam ng mga awtoridad ang lawak ng pinsala sa pasilidad habang nagpapatuloy ang rescue operations at imbestigasyon.

Visa-free sa Russia, oks kay PBBM

ni Mylene Alfonso @News | June 20, 2026

Photo: Vladimir Putin at Bongbong Marcos - FB

Bukas si Pangulong Ferdinand Marcos Jr. sa posibilidad na pag-usapan sa pamahalaan ng Russia ang tungkol sa visa-free travel para sa mga Pilipino bilang bahagi ng pagpapalakas ng ugnayan ng dalawang bansa.

Sa press conference sa Kazan, Russia, sinabi ng Pangulo na wala siyang nakikitang problema kung tatalakayin ang ganitong kasunduan kung makakatulong sa pagitan ng Pilipinas at Russia, partikular sa pagpapalakas ng turismo at palitan ng mamamayan.

“We did it with India, we've done it with China. If it's something that we feel will be of advantage to both Russia and the Philippines, I don't see why not,” pahayag ng Pangulo.

“That's become the method, the order of the day now. And we very much would like to increase our tourists trade. So, that's something that down the road maybe we can look at,” ani Marcos.

“And I have no – I cannot find any serious objections to it,” dugtong ng Punong Ehekutibo.

Kailangan pa rin aniyang dumaan sa tamang proseso ng usapan at kasunduan ng dalawang bansa bago ito tuluyang maipatupad.

Gayunpaman, inamin ni Marcos na hindi napag-usapan ang ganitong posibilidad sa kanyang maikling pananatili sa Kazan para sa Association of Southeast Asian Nations (ASEAN)-Russia Commemorative Summit.

24 Pinoy sa Russia, palalayain na

ni Mylene Alfonso @News | June 20, 2026

Photo: Vladimir Putin at Bongbong Marcos - FB

Inanunsyo ni Pangulong Ferdinand Marcos Jr. na palalayain na ang 24 Pilipinong nakulong sa Russia sa loob ng siyam na buwan at nakatakda nang makauwi sa bansa.

Ito ay makaraang ipaabot ni Marcos ang kalagayan ng mga nakakulong na mga Pilipino noong taong 2025 na umano’y naging biktima ng illegal recruitment, sa kanyang bilateral meeting kay Russian President Vladimir Putin sa Kazan, Russia kamakailan.

“Noong nag-bilateral meeting kami ni President Putin binanggit ko ito. At nagulat rin siya. Sabi niya, “Hindi ko alam ‘yan. Pag-aaralan namin. Titingnan namin ang nangyayari,” wika ni Marcos.

“Noong dinner kagabi, kinausap niya ako, sabi niya, “Nakita na namin ‘yung sitwasyon. We found out where the 24 Filipinos are. We found out what the problem is with their case, with their situation,” pahayag ng Pangulo.

“And first of all, he said, they have not been charged with any wrongdoing, but they have still been kept in detention for nine months.”

Kaugnay nito, tiniyak sa kanya ni Putin na aaksyunan ng Russia ang naturang usapin.

Kinumpirma rin niya na nakatakdang pauwiin sa Pilipinas ang mga Pilipinong nasangkot sa kaso.

“I remember the last thing he said last night after we were talking about it. He said, “Don't worry, we will find a way. We will find a way to fix this problem.” And now, the 24 Filipinos

will be released,” sabi ng Chief Executive.

“They are ready for deportation tomorrow by 5 p.m. So, those 24 will be going home, back to the Philippines and back to their families,” dagdag pa ni Marcos.

Batay sa datos ng Department of Foreign Affairs, may humigit-kumulang 15,000 Pilipino na ang kasalukuyang naninirahan at nagtatrabaho sa Russia.