DOH, mino-monitor ang hinihinalang kaso ng pneumonic plague sa Russia

by BRT @News | October 8, 2026

Photo: DOH / FIle

Mino-monitor ng Department of Health (DOH) ang sitwasyon sa Russia kaugnay ng hinihinalang kaso ng pneumonic plague at sinabing handa ang Pilipinas na tumugon kung kinakailangan.

Ayon sa DOH, nakikipag-ugnayan din ito sa mga rekomendasyon ng World Health Organization (WHO).

Sinabi ng ahensya na patuloy na nagsasagawa ng screening ang Bureau of Quarantine (BOQ) sa mga biyahero, kabilang ang pag-check sa travel history at kalagayan ng kanilang kalusugan.

Isinasagawa rin ang surveillance sa mga daga at pulgas na maaaring magdala ng sakit sa mga papasok na kargamento at sasakyang-dagat.

Nauna rito, isang empleyado ng anti-plague institute sa Irkutsk ang namatay dahil sa pneumonia na hindi pa matukoy ang sanhi. Dahil dito, isinailalim sa quarantine ang isang ospital at halos 200 katao sa medical observation.

Russia, nilinaw na walang nakitang plague sa namatay na lab technician

by BRT @News | October 6, 2026

Photo: Courtesy Taneèek David / CTK / dpa

Itinanggi ng mga opisyal ng Russia na plague ang ikinamatay ng isang 28-anyos na laboratory technician sa Siberia, matapos kumalat ang ulat na maaaring nahawa siya ng pneumonic plague dahil sa aksidente sa laboratoryo.

Ayon kay Irkutsk Governor Igor Kobzev, pneumonia na hindi pa matukoy ang sanhi ang ikinamatay ng babae. Wala rin umanong nakitang microorganism na konektado sa kanyang trabaho sa kanyang mga biological sample.

Samantala, sinabi ni US President Donald Trump na mahigpit nilang mino-monitor ang sitwasyon at handang tumulong ang US kung kinakailangan.

Tiniyak naman ng Kremlin na dapat umasa sa opisyal na pahayag ng health authorities at huwag sa “rumors and speculations.”

Dagdag-ayuda sa mga batang Ukrainian na na-deport sa Russia

ni Justine Berganio @Overseas News | September 30, 2026

Photo: 10 million crowns (P29M) ang ilalaan sa International Committee of the Red Cross para sa Central Tracing Agency Bureau na tumutulong sa paghahanap at pagkakakilanlan. File

Dinagdagan ng Norway ang tulong para sa mga Ukrainian children na na-deport umano sa Russia, mga detained civilian at prisoners of war sa gitna ng giyera.

Magbibigay ang Norway ng 15 million crowns (P43M) sa UNICEF para sa pagbabalik at reintegration ng mga batang nakauwi na sa Ukraine, pati sa paghahanap sa mga nawawalang bata.

Isa pang 10 million crowns (P29M) ang ilalaan sa International Committee of the Red Cross para sa Central Tracing Agency Bureau na tumutulong sa paghahanap at pagkakakilanlan ng mga nawawalang tao.

Ayon kay Foreign Minister Espen Barth Eide, layunin ng suporta na matulungan ang mga pamilya na muling makapiling ang kanilang mga mahal sa buhay at matulungan ang mga biktima sa rehabilitasyon.

Ang ayuda ay inihayag bago ang ministerial conference sa Toronto, Canada, na pangungunahan ng Canada, Norway at Ukraine para talakayin ang usapin ng Ukrainian children at human rights violations.

---

ONLINE DONATIONS SA OPPOSITION, 21 KULONG

TIMBOG ang 21 katao sa Myanmar matapos umano silang magpadala ng pera sa online fundraising platform na konektado sa opposition National Unity Government (NUG).

Ayon sa state-run Global New Light of Myanmar, natukoy ng awtoridad ang detalye ng mahigit 2,700 katao na umano’y nagbigay ng financial support sa People’s Revolution Supply Family (PRF), isang platform na itinatag ng NUG.

Sinabi ng militar-backed government na ang mga naaresto ay mula sa iba’t ibang township at haharap sa legal na aksyon. Patuloy din ang imbestigasyon habang isasara at kukumpiskahin umano ang mga account na konektado sa pondo.

Hindi pa naglalabas ng pahayag ang NUG. Mula sa military coup noong 2021, patuloy ang labanan sa Myanmar sa pagitan ng junta forces, NUG-aligned groups at ethnic armed organizations.

Matagal nang gumagamit ang mga opposition group ng online fundraising, cryptocurrency, bonds at overseas transfers para makalikom ng pondo dahil kontrolado ng militar ang banking system ng bansa.