RUFFA, GAGANAP NA IMELDA MARCOS

ni Nitz Miralles - @Bida | June 6, 2022

Aprubado na ng Viva Films ang film project ng controversial director na si Darryl Yap na Maid in Malacañang at ang balita, this June na ang start ng taping.

Sa isang post sa Facebook, makikita si Direk Darryl kasama sina Sen. Imee Marcos at Vic del Rosario and son Vincent del Rosario at nakasulat sa caption na: “We will announce the cast ASAP.”

Ang sumunod na post ni Direk Darryl, kasama niya si Boss Vic at sa background, sa TV screen, makikita ang picture ni Ruffa Gutierrez at may pangalan na “Imelda Marcos.” Ibig sabihin, si Ruffa ang gaganap sa role ni former First Lady Imelda R. Marcos.

Abangan natin ang iba pang kasama sa cast sa Maid in Malacañang na July daw ang showing o streaming.

May request ang mga netizens, baka puwede raw si Herbert Bautista ang gumanap sa role ni former President Ferdinand E. Marcos. Posible ba?

May post naman si Ruffa sa Instagram na old photo nila ni Imelda Marcos at may caption na: “Through the years with the one and only, Madame Imelda Romualdez Marcos.”

May post si Direk Darryl sa controversial project niyang ito, “Walang babaguhin. Walang papalitan, pero meron nang may lakas ng loob ikuwento ang hindi pa napakinggan. A part of history is not the whole story.”