RUFFA, ENJOY KAY HERBERT DAHIL SMART NA, TODO-PASENSIYA PA SA KANYA

ni Vinia Vivar - @Frankly Speaking | July 17, 2022

Sa interview ni Dra. Vicki Belo kay Ruffa Gutierrez ay nag-open-up ang aktres sa kanyang last breakup. Wala mang pangalang binanggit, hindi naman kaila sa lahat na ang last boyfriend niya ay ang French-Israeli businessman na si Jordan Mouyal.

“I had one long relationship that lasted 7 years and we broke up about 2 years ago because I just felt that the relationship wasn’t going anywhere. We’re still friends, I’m not mad at him,” pagbabahagi ni Ruffa.

Tanong ni Dra. Vicki, “And then, the new one?”

Natawa si Ruffa.

Ayon sa aktres, “I just wanna take things slow. I don’t believe in whirlwind romances although for some couples, it works, 'di ba? Para sa akin, I really want to get to know the person, and I think, the more you spend time with the person, the more you converse with the person, you get to know more about, you know, the one that you’re dating.”

Inamin ng aktres na interesting naman daw ang lalaking kanyang idine-date ngayon na bagama’t wala na namang name na binanggit, we all know din na si Herbert Bautista lang naman ang nali-link sa kanya ngayon.

“He’s very interesting, very smart, I just want someone who’s gonna be there for me, someone that’s gonna guide me, show me the way, someone who’s patient with me.

“Ayoko na ‘yung mga ‘Nasa’n ka? Sa'n ka pupunta?’ Oh, my God, please? Like I don’t want stress,” she said.

Napag-usapan din ang tungkol sa ex-husband niyang si Yilmaz Bektas since kamakailan nga lang ay nagpunta ang dalawa nilang anak na sina Lorin and Venice sa Turkey para makasama ito.

Marami ang gustong makaalam kung hudyat na rin ba ito ng possible reconciliation between Ruffa and Yilmaz.

“Walang return of the comeback. Ano lang ito, comeback, reunion lang ng mga anak ko at si Yilmaz,” diretsong pahayag ni Ruffa.