Requirements upang makapag-travel abroad ang menor-de-edad

ni Atty. Persida Rueda-Acosta - @Magtanong Kay Attorney | January 27, 2022

Dear Chief Acosta,

Maaari ba akong makaalis patungo ng ibang bansa kasama ang kasintahan ko nang walang pahintulot ng aking mga magulang kahit 16 years old pa lamang ko? – Joy

Dear Joy,

Para sa inyong kaalaman, bilang menor-de-edad, kinakailangan ninyo ng clearance mula sa Department of Social Welfare and Development (DSWD) o kasulatan mula sa inyong magulang o guardian na nagbibigay-pahintulot sa inyo upang kayo ay makaalis ng bansa. Ang kawalan nito ay malinaw na pinarurusahan sa ilalim ng Republic Act No. 7610 o ang mas kilala sa tawag na Special Protection of Children Against Child Abuse, Exploitation and Discrimination Act, kung saan nakasaad sa Section 8 (a) ng Article IV:

“Sec. 8. Attempt to Commit Child Trafficking. – There is an attempt to commit child trafficking under Sec. 7 of this Act:

a. When a child travels alone to a foreign country without valid reason therefor and without clearance issued by the Department of Social Welfare and Development or written permit or justification from the child’s parents or legal guardian;

x x x x x x x x x

Sec. 7. Child Trafficking. – Any person who shall engage in trading and dealing with children including, but not limited to, the act of buying and selling of a child for money, or for any other consideration, or barter, shall suffer the penalty of reclusion temporal to reclusion perpetua. The penalty shall be imposed in its maximum period when the victim is under twelve (12) years of age.”

(Binigyang-diin)

Samakatwid, hindi kayo maaaring makaalis patungo ng ibang bansa nang walang clearance o pahintulot mula sa inyong mga magulang.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.