Religious pa naman ang image… OGIE, BINANATAN NG NETIZEN SA PAMBABASTOS DAW KAY LORD

ni Beth Gelena @Bulgary Files | January 5, 2023

Pinasalamatan ni Ogie Alcasid si Vhong Navarro sa pag-join sa kanilang Faith Group.

Sa kanyang IG account, may kuha silang larawan ng grupo kasama ang TV host-comedian-actor na si Vhong.

Ang kanyang caption: "Our 11 years old small group. Ty Jesus for the different testimonies of faith that we learn from each other. Only by your grace dear Lord! Ty pareng @vhongx44 for joining us also. Hallelujah!!"

May ilang napansin ang mga netizens sa mga ginamit na words ni Ogie, lalo na sa dapat i-capital at words na dapat ay buong sabihin at hindi i-abbreviate.

Sabi ng isang perfectionist yatang guy, "'Thank you Jesus' not TY Jesus. 'Your grace' not "your grace". Please gamitin ang dapat gamitin. Religous group eme, pero 'di rumespeto kahit sa post man lang. Hindi ako OA, hindi ako grammar nazi, pero 'wag ipokrito. Gamitin nang tama kung saan nararapat. By using capital "You", or "Your", bilang respeto sa Diyos, kay Lord o Jesus, o Mama Mary. Kung kanino man paniniwala ng bawat relihiyon." Pagsang-ayon ng isa pa, "I agree with you. CHRISTmas isinusulat ng X'mas ng marami.

"Religious people… no comment na lang tayo sa kanila. Baka masuguran pa ako ng Bible verse na hindi naman nila ina-apply sa kanilang mga sarili."