QUIBOLOY, TINANGGALAN NA NG YOUTUBE CHANNEL, MGA VIDEOS, INILIPAT LANG

ni Julie Bonifacio @Winner | June 24, 2023

Naglabas ng statement ang Google, ang parent company ng YouTube hinggil sa tunay na dahilan sa pagtanggal nila ng channel ng kontrobersiyal na religious leader na si Pastor Apollo C. Quiboloy.

Marami kasi ang nagre-react sa pagtanggal sa YouTube channel ni Quiboloy. Kung anu-anong espekulasyon tuloy ang naglalabasan sa pag-alis ng nasabing social media platform sa account nito.

Ayon sa Google, “Google is committed to compliance with applicable US sanctions laws and enforces related policies under its Terms of Service. After review and consistent with these policies, we terminated the Pastor Apollo C. Quiboloy YouTube channel.”

Matatandaan na sinampahan ng kaso si Quiboloy sa Amerika at hanggang ngayon ay nananatiling nasa listahan ng wanted ng US Federal Bureau of Investigation (FBI) ang controversial religious leader.

Dahil diyan, sinampahan ng mga sanctions si Quiboloy noong December 2022. Nilabag daw kasi nito ang Executive Order (EO) No. 13818 for “his connection to serious human rights abuse” according to US State Department.

Ilan sa mga sanctions kay Quiboloy ay sakop ang pagpapalabas niya sa kanyang YT channel na nadiskubre ng US government.

Heto ang dalawa sa mga sanctions ng US government kay Quiboloy: “All properties and interests that are in the US or in possession of US persons are blocked and must be referred to the US’ treasury department,” at “Any entities directly or indirectly owned, 50% or more are blocked.”

At kahit daw tinanggal na ang nasabing YT channel, patuloy pa rin ang pagpapalabas nito sa kanyang individual account na Kingdom of Jesus Christ.

Dito raw ay aktibong ina-upload ang mga videos niya sa nakalipas na 24 oras. May 16 videos daw ang mapapanood na uploaded ni Quiboloy habang nagpi-preach sa naturang channel.

Kapareho rin daw ang mga uploaded videos sa YT channel sa Kingdom of Jesus Christ ni Quiboloy.

Ang ilan sa mga halu-halong reaksiyon ng mga netizens na nabasa namin ukol sa pagtanggal ng YT channel ng controversial religious leader…

“All his social media accounts should be terminated permanently.”

“Nagbunga na rin ‘yung tuluy-tuloy na pagre-report sa channel na ‘yan. Salamat, Google! Hahahaha!”

“Salamat po sa YouTube at Google. Good riddance, kampon ng kadiliman. Salamat po!”

So, there.