Puwede raw gawin kahit ano dahil alaga niya 'yun… HEART, IPINAGDIINANG PARA SA ASO NIYA ANG BVLGARI NECKLACE NA INEENDORSO NI PIA

ni Janiz Navida @Showbiz Special | August 19, 2024

Photo: Heart Evangelista / IG

Mukhang nakarating na kay Heart Evangelista na naging issue ang pagpapasuot niya ng Bvlgari Serpenti necklace na ine-endorse ni Miss Universe 2015 Pia Wurtzbach sa kanyang favorite pet dog na si Panda.

Kaya sa Instagram Live ng misis ni Senate President Chiz Escudero kahapon, Aug. 18, may dialogue si Heart na, "I own the necklace, you know. I can do whatever I want then pull it out," sabay sip sa mug niya.

Dagdag pa nito, "Basically, Panda owns the necklace, so 'di siya loom. So, she can do whatever she wants with it."

Bukod sa kanyang IG Live, nag-post din si Heart sa kanyang Instagram Stories ng iba't ibang pictures ng dogs and cats niya na may suot na mga kuwintas na mukhang mamahalin din.

Feeling namin, nakakatuwaan lang ni Heart na ipasuot sa mga pets niya ang mga alahas niya at to post this in socmed, whether pagyayabang or just flexing it for the sake of fun, eh, nasa mga fans na niya 'yun.

Pero siyempre, dahil nga ipinost ni Heart sa socmed ang mga luxurious jewelries niya na only rich people lang naman talaga can afford, may masasabi at masasabi talaga ang mga netizens.

Kaya naman, may ilang pumuna kay Heart at nag-comment na dahil First Lady daw siya ng Senate President na ngayong si Sen. Chiz Escudero, dapat ay limitahan na niya ang pagpe-flex sa social media ng kanyang mga yaman.

Photo: Heart Evangelista / IG

"May limitasyon ka na, lalo na at Senate President ang asawa mo. Sana bawasan ang ostentatious display of wealth," komento ng isang netizen.  

May nagtanggol naman kay Heart, "Gawain n'ya na 'yan bago pa man naging Senate President si Chiz. Babaguhin n'ya para sa ikakasiya ng mga mapanghusgang tao? Bantayan n'yo kung 'di good tax payer."

Agree rin ang isa pang netizen na nagsabing "Bakit? Ano limitasyon n'ya? Eh, pinaghirapan naman niya 'yun. Being a Senate Pres. wife should not limit, control or baguhin ka lalo na kung 'yun ka talaga."

Katwiran din ng isa pa, "Dyeske and ano'ng kuda ng mga bashers? She's rich na noon pa at tumutulong siya sa mga mahihirap. Kayo bang nagkukuda d'yan, may naiambag man lang para sa pagtulong sa mga mahihirap?"

May point naman. Kaso, ayaw pa ring magpatalo ng mga 'di naha-happy sa pagpe-flex ni Heart ng mga yaman niya sa socmed, to the point na batas na ang pinag-usapan ng mga nagpapalitan ng kuru-kuro.

Sey ng isa, "REPUBLIC ACT NO 6713. Public officials and employees and their families shall lead modest lives appropriate to their positions and income. They shall not indulge in extravagant or ostentatious display of wealth in any form. Batas ho 'yan, hindi suggestion. Utak pa more!"

May kumampi pa, "Agree. there's a law naman talaga RA 6713 that prohibits public officials and employees and their families to indulge in extravagant or ostentatious display of wealth in any form."

Samantala, may ibang paniniwala naman ang ilang netizens kung bakit nag-ingay si Heart at sinakyan ang issue sa Bvlgari Serpenti necklace na ineendorso ni Pia na ipinasuot niya kay Panda.

Komento ng isang netizen, "Paingay lang 'yan dahil sa latest issue ng hubby niya. Parehas sila ni Mariel (Rodriguez) ngayon na naglilinis ng kalat ng mga asawa nila."

Dagdag pa ng isa, "OA na masyado, now back to Chiz Escudero issue."

Hahahaha! In fairness, minsan ay may sense rin naman ang samu't saring komento ng mga netizens at maaaliw ka na lang talaga sa pagiging henyo ng maraming Pinoy.