Puring-puri ng madir ng anak na mabuting ama… “LOVE YOU, LEN” — JOHN LLOYD

ni Julie Bonifacio @Winner | November 15, 2026

Photo: IG _dumpsitegallery _mariaelenaadarna

Kinilig ang mga netizens kina John Lloyd Cruz at Ellen Adarna sa Instagram (IG). Nag-comment kasi ang aktor sa ipinost ng dating sexy star na video na kauna-unahang endorsement ng mag-amang Lloydie at Elias.

Sa caption ay ini-reveal nito kung gaano ka-hands-on na dad si Lloydie, pati na kung paano siya inalagaan ng aktor pagkatapos niyang isilang si Elias.

Kuwento ni Ellen, “To the co-parent @johnlloydcruz83 who wouldn’t even let me change a single diaper while I was recovering from childbirth, and who has always been so hands-on and present in Elias’ life. It makes me so happy to see that same caring and nurturing nature in our son.”

Sa comment section ay may matamis na mensahe si John Lloyd kay Ellen.

“Love you, Len,” sey ng aktor na may account name sa IG na @dumpsitegallery.

Todo-react ang mga IG followers ng aktres sa pa- “Love you, Len” ni Lloydie sa ina ni Elias.

Sey ng mga netizens:

“Bakit parang may kilig?”

“Luh, narinig ko boses ni JL. Eto, endgame na talaga.”

Hindi naman nakatiis si Ellen at nag-post siya ng reply sa mga kinikilig na IG followers niya.

Sey niya, “Ingat kayo d’yan! YOLO (you only live once) muna ako rito, ikaw (Lloydie) muna bahala kay Elias. LOL (laugh out loud).”

Kasalukuyang nasa China kasi si Ellen nang i-post niya ang video ng mag-ama.

Pinuri naman ng mga netizens ang ganda ng relationship nina Ellen at John Lloyd ngayon bilang co-parents.

Sey ng isa, “Might not worked out as lovers but such a good example of good co-parents!”

Nag-reply si Ellen sa comment ng netizen.

“Never n’ya rin naman kasi akong siniraan and never nag-smear campaign. He took the break up like a man,” hirit nito.

---

KINUKULIT si Paulo Avelino ng mga netizens na magbigay ng update kay Kim Chiu. After so many weeks ng pananahimik ng aktor sa social media, na-excite ang mga faney na makita ulit ang kalabtim ni Kim na may bagong post.

Nag-flex kasi si Paulo ng mga ganap niya sa kanyang gaming activities at ipinakita ang loob ng kanyang sasakyan.

Natuwa siyempre ang mga tagahanga niya, especially ang KimPau (Kim at Paulo) fans:

“Hays, salamat po sa pa-update. Ginanahan tuloy kami ng team bumoto nang bumoto for the Net Makabata Star 2026.”

“Missed you so much, KIMPAU. Lumabas na kayo sa lungga n’yo!”

“Aba, salamat naman sa pa-life updates mo, Pau! More updates pa...”

“Sana, magpakita na kayo, KimPau. Miss na kayo ng buong KimPaulandia.”