Proud na 25 yrs na sila ng misis... IAN, AMINADONG 'DI PERFECT HUSBAND

ni Reggee Bonoan - @Sheet Matters | October 29, 2022

Sa apat na dekada ni Ian Veneracion sa showbiz ay ni minsan, hindi siya nabalitang na-link sa ibang babae at 25 years na silang kasal ng non-showbiz wife niyang si Pam Gallardo na konektado sa construction business.

Pinagkalooban sila ng tatlong anak namely Tristan Draco, Deirdre at Duccio.

Pero aminado ang aktor na hindi rin perpekto ang lahat.

Aniya, “Of course, I’m not perfect. But I’ve been married for twenty-five years and parang mas gusto kong magbigay ng encouraging words kaysa sa some people do tsismis.”

Nakatsikahan si Ian ng ilang press sa One Good Day mediacon kamakailan na ginanap sa Seda Vertis North at naikuwento niya na nag-uusap silang mag-ama tungkol sa pagiging babaero.

“I’m hoping in small way, I can contribute. For example, I think it went viral, kunwari a conversation with my son, sinabi ko na, ‘Madaling maging babaero, madaling mambabae. Pero ‘pag nahanap mo ‘yung para sa iyo, it takes a real man to be faithful in a relationship. There’s nothing cool about being babaero,” diin ng aktor.

Dagdag pa, “Hindi dahil sa nagmamalinis ako, pero alam ko na mahirap ‘yun, eh. I know because I have my own biological tendencies na temptations.

“I’m just trying to encourage others also and also myself. I’m trying to stay on track. So ‘yun, instead na puro tsismis, puro negative stuff, I’d rather promote love and kindness than tsismis.”

Maraming tukso sa showbiz kaya paano ito naiiwasan ni Ian?

“Ewan ko, iba-iba. Just like how you maintain patience, you control your temper.

“I guess, it’s just the same, managing and practicing. It’s never gonna be perfect but keep trying.

“For example, nakakita ka ng sexy, I mean, for million of years of evolution, man have eyes to look. I feel that, pero I can’t choose that as an excuse all the time na, ‘I know I’m born this way, blah, blah, blah.’ ‘Yun nga, just managing those instincts,” say nito.

Maganda ang pagsasama ng aktor at ng asawa niya pero hindi naman daw siya expert sa pagbibigay ng payo kapag may humihingi.

‘Yun nga, ipinagmamalaki niyang 25 years na silang kasal, “But there are many factors.

Number one, puwedeng napakahaba lang ng pasensiya ng asawa ko, or puwedeng sobrang magkatugma lang kami. Or puwedeng sobrang opposite lang kami kaya there’s a certain balance.

“There are many factors, I don’t know. Sa totoo, there’s no one answer or one solution to that that will be applicable to everyone. I’m just lucky that so far, magkasama (kami) and sana, tumagal pa nang tumagal. Pero sa ngayon, twenty-five years of being together, I’m so proud of that.”

Ang asawa rin ni Ian ang nakakapagpakalma sa kanya kapag mainit ang ulo niya at stressed siya.

“My sexy wife,” ang natawang sagot niya sa tanong kung paano mawawala ang init ng ulo niya.

Ang One Good Day series ay mapapanood exclusively sa Nobyembre 17 sa Prime Video Ph na idinirek ni Lester Pimentel Ong produced ng Studio Three Sixty.