Problemado… SID, UMAMING YUMABANG AT GUMAMIT NG 'SUBSTANCE'

ni Julie Bonifacio - @Winner | June 26, 2022

Love na love ng mga co-stars niya si Sid Lucero sa latest Vivamax movie niya na Virgin Forest. Napaka-supportive raw kasi ni Sid sa kanila, mapa-lead, supporting or baguhang artista.

May mga bagay daw kasi sa pagiging artista ang na-realize ni Sid pagkatapos niyang dumaan sa mga pagsubok nitong nakaraang taon lalo na nu’ng kasagsagan ng pandemic.

Nagkasunud-sunod daw ang problema niya and admitted that he’s taking substances. Plus, yumabang din daw talaga siya.

So, we asked him kung paano siya naka-recover.

“Honestly, first, my daughter was born. Her name is Halo,” panimula ni Sid.

“Second, a lot of things happened. I was losing the respect of my contemporaries, mga katrabaho ko.

“Ramdam ko na. (That) I’m wasted? Yeah, wala na. As in, 'Tama na ‘yan. G*go na ‘yan,' things like that. And then, the major change first was my daughter.

“And then when I met Anica (his ex-girlfriend), there’s this one time na ginigising ako ng production kasi late na, tapos pumasok kasi galit na pala siya, tapos pumutok ako. Sabi ko, ‘You don’t know how to knock.'

“And then, I realized na I’m not an actor, I’m a filmmaker. That’s when I realized, I just have to stop looking at myself as an actor.

“Kasi feeling ko, ‘Ah, kaya ninyo ako kinuha, eh, para mag-ayos ‘yung film.’ Ang yabang, eh.

“And then I realized, no, it’s a group project, it’s a group effort. Gusto ni direk, ito. Ikaw ‘yung kinuha. Ano'ng maibibigay ko? Gawin natin ‘yan. O, ‘yung co-actor mo, hindi pa dumarating? Ano, hihintayin ko pa ‘yung driver para tawagan sila? Eh, kaibigan ko siya. May number naman ako, eh. Tawagan ko na rin siya.

“So, I realized, my job doesn’t end with my script, especially now sa mga baguhan. Kunwari 'yung sa amin ni Angeli (Khang) sa Silip. If my job is to support you, my job is a supporting actor, susuportahan kita all the way, whether on the screen, off-screen. Are you hungry? I’m hungry. Kung gutom ako, gutom ka rin for sure.

“May problema ka? Why are you crying? What’s happening?

Kasi ‘yung eksena, eh. Gusto mong kausapin ko si direk? Ay, hindi ko kailangang kausapin si direk kasi sa script, ito ‘yung kailangan nating gawin. Pero kung gusto mo, puwede nating sabihin na, ‘Direk, hindi ko siya mahahawakan doon. Ayaw niya talaga.'”

Now we realized too kung bakit bukambibig siya ni Angeli na co-star din niya sa Virgin Forest.

Puring-puri ni Angeli si Sid as an actor at katrabaho. Tinulungan daw talaga siya sa set ng Silip at Virgin Forest ng kanyang "Kuya Tim.” Timothy Eigenmann kasi ang real name ni Sid.

Anyway, ang Virgin Forest ay palabas na sa Vivamax sa direksiyon ng international award-winning director na si Brillante Mendoza.

Kasama rin sa Virgin Forest sina Vince Rillon, Allan Paule, Julio Diaz, Alma Moreno, Markki Stroem, Ivan Padilla, Greg Hawkins, Rob Quinto, Mikaela Raz at marami pang iba.