PRESYO NG FISH BALL, NAGING P350 RAW NANG IENDORSO NI HEART

ni Nitz Miralles @Bida | August 1, 2023

May post si Heart Evangelista na makikitang may hawak siyang dalawang baso ng fish balls at may caption na: “Tusok tusok the fish balls.”

Nasa Sorsogon si Heart kasama ang asawang si Sen. Chiz Escudero na may hawak ding baso ng fish ball, pati na rin ang sister ni Heart.

Nagkabiruan ang mga followers ni Heart na naging P350 per piece ang fish ball nang hawakan niya ito at may sumunod na biro na Dior ang brand ng fish ball. Saka, nagkatawanan ang mga supporters ni Heart.

May nagtanong kung kinakain ba talaga ni Heart ang fish ball o pang-picture purposes lang.

Dagdag pa nito, hindi rin kumakain ng isaw si Heart, fish ball pa kaya na mabibili lang sa halagang piso?

Sumagot si Heart, “I don’t eat isaw and betamax” at ibig sabihin, kumakain siya ng fish ball at kita naman na dalawang baso nga ang hawak-hawak niya with matching pantusok. Brown sauce ang gamit ni Heart sa pagkain ng fish ball at kwek kwek.

Nalaman tuloy na new follower niya ang nagtanong kung kumakain ba si Heart ng fish ball dahil matagal na itong kumakain ng nasabing street food. Pati nga raw kwek-kwek, kumakain din si Heart, maliban sa isaw at betamax nga.

Pinuri naman si Heart ng kaibigang designer na si Jo Rubio at sabi, malaking tulong ang ipinost ni Heart na “fish ball moment” sa mga vendors at sabi nito, ituloy lang ng kaibigan ang pagpo-post.

Sagot ni Heart, “Yes, it was delicious too, I would come here whenever I’m in Sorsogon.”

Samantala, hindi nagsasalita si Heart sa isyu tungkol sa umalis niyang glam team at pati mga posts na “Hands Off The Wall” at “Today’s not your day? Try again tomorrow?" ay ikinokonek sa isyu.