Prangkahan na ‘to… TONY, UMAMING ‘DI TYPE SI KC

ni Julie Bonifacio - @Winner | April 18, 2022

LUMIPAD patungong New York ang aktor na si Tony Labrusca kahapon, April 17.

Nakatakdang mag-shoot si Tony para sa pelikulang Asian Persuasion, directed and produced by Tony and Grammy awardee Jhett Tolentino.

Pinoy si Jhett na nagpo-produce ng movie and stage plays sa US. And with Asian Persuasion ay sinubukan niyang magdirek for the first time.

“Honestly, I’m very happy to be proud of this project because it’s for Jhett and I’m gonna work with him in the future,” sabi ni Tony.

Na-postpone ang isang proyekto na dapat daw ay gagawin ni Tony kay Jhett. Pero dahil gusto raw ng kanyang director-producer na makatrabaho siya kaya isinama na rin siya sa Asian Persuasion.

Cameo lang ang role ni Tony sa Asian Persuasion pero masaya siyang tinanggap ang proyekto kasi first time raw niyang makakapunta sa New York. “I’m gonna have fun. It’s my first time in New York. So, I’ll be there for a week.”

Sina KC Concepcion at Dante Basco, na gumanap bilang si Rufio sa Steven Spielberg version ng classic Peter Pan story titled Hook, Kevin Kreider na in-adopt ng mag-asawang Amerikano at isa sa mga Asian stars ng US series titled Bling Empire, Paolo Montalban (ng Mortal Kombat), Celia Au (Wu Assassins) at si Apl.de.Ap ng Black Eyed Peas ang mga makakasama nina KC at Tony sa movie. First time namang makakasama ni Tony si KC sa proyekto.

“Yeah, I’m excited to work with KC,” ngiti ni Tony.

Tinanong namin si Tony kung posible ba na ligawan niya si KC. “Hindi! Hahaha! I think KC is happy now. She’s doing great in LA. She’s having a lot of fun.”

Nakasama raw ni Tony si KC sa Los Angeles, last year.

“Uh, ‘yung friend kasi namin, kaibigan niya rin. So, nakikita ko siya, nakakasama ko siya. Magkakasama kami sa dinner.

“May restaurant doon na ‘yung executive chef, si Chef Al. So, one time, nag-host sila ng dinner, nandoon si KC,” paglilinaw pa ni Tony.

Hindi kaya ang dahilan kung bakit masaya ang puso ni KC ay dahil may boyfriend na ang eldest daughter ni Megastar Sharon Cuneta?

At ‘di kaya sila na talaga ni Apl.de.Ap?