Pramis ni Aljur, darating din sila sa kasal… AJ, AYAW MAG-SHOWBIZ, ANAK MUNA

ni Vinia Vivar @Frankly Speaking | August 2, 2026

Photo: Aljur Abrenica at AJ Raval sa interview - Circulated

Agaw-pansin ang pagrampa ng magdyowang Aljur Abrenica at AJ Raval sa Maddox Iconic Runway: Diamond Jewelry Fashion Show 2026 na ginanap nitong July 30 sa Isla Ballroom ng Shangri-La EDSA, Mandaluyong City.

Ito kasi ang kauna-unahang pagsasama ng dalawa sa isang bonggang fashion show.

Kabilang sina Aljur at AJ sa mahigit 40 celebrities na isa-isang rumampa sa naturang jewelry fashion show sa pangunguna ng CEO at presidente ng Maddox na si Ms. Charo Cordial.

Sa panayam sa kanila matapos ang kanilang pagrampa, masayang-masaya ang magdyowa sa mainit na pagtanggap sa kanila ng mga nanood ng naturang event.

“Everything that happened tonight, we consider it as a blessing from God. It’s a first time. Coming from you na maganda ang tanggap ng mga tao, naramdaman namin, nag-enjoy kami,” sabi ni Aljur.

Natuwa rin ang aktor na makita ang iba pang celebrities na nakatrabaho na niya.

“Nangyari kanina sa backstage, parang nagkaroon ng konting reunion. Mga nakatrabaho ko dati, sina Kris (Bernal), Ara Mina, Polo (Ravales),  du’n ko nakita ‘yung saya ng event na ‘di nakita ng audience. Nakakatuwa sila!” pahayag ni Aljur.

Natanong naman ang dating Vivamax Queen kung may plano na siyang bumalik sa pag-aartista at sey niya ay hindi pa niya masabi sa ngayon.

“‘Di pa ako masyadong nakapag-decide pero mas priority namin ‘yung mga bata sa ngayon. Pero pakonti-konti po, babalik ako. For now po, mas priority namin ‘yung family and also, nag-aaral din po kasi ako ulit ngayon, eh,” ani AJ.

Sinagot din ng dalawa ang tanong tungkol sa pagpapakasal at sey ni Aljur, “Everything happens at the right time, ‘di ba? Kung anuman ang nangyayari ngayon, ang masasabi namin, our priority is our kids. Lahat ng mga bata.”

Sa naturang fashion event ay ka-join din nilang rumampa ang action star at tatay ni AJ na si Jeric Raval bilang isa sa ‘10 Icons of Timelessness’.

Ang iba pang rumampa sa star-studded fashion show ay sina Pokwang, Claudine Barretto, Beauty Gonzalez, Ara Mina, Amy Austria, Jackie Lou Blanco, Yayo Aguila, Gardo Versoza, Katrina Halili, Diana Zubiri, Katya Santos, James Blanco, Nadine Samonte, Daiana Menezes, Geneva Cruz, Giselle Sanchez, Maureen Larrazabal, DJ Durano, Ynez Veneracion, Regine Tolentino, Gary Estrada, Alma Concepcion, Ryza Cenon, Edgar Allan ‘EA’ Guzman, Polo Ravales, Sheree Bautista, Pancho Magno, Negi, at marami pang iba.

---

MUKHANG tuluy-tuloy na nga ang pagbabalik sa limelight ni Kris Aquino.

Nagbahagi ng larawan sa kanyang social media page ang kaibigan at dating katrabaho ni Kris sa Kris TV na si Jasmin Ignacio Pallera, kung saan makikitang nag-meet sila kasama ang ilan pa nilang mga kaibigan.

Nasa larawan din ang bunsong anak ni Kris na si Bimby at isa pang kaibigan at dating katrabaho na si Darla Sauler.

Caption ni Jasmin, ang haba raw ng tsikahan nila ni Kris na puwede nang pang-isang linggong episode.

“Unfiltered chikahan worthy of week-long episodes. Hahaha! I miss you, Krisy and Bimb!” sey ni Jasmin.

Sa naturang larawan ay makikita na mukhang bumabalik na talaga ang dating kalusugan ni Kris. Hindi na siya payat na payat tulad ng mga nakaraang taon at maganda rin ang kanyang kutis ngayon.

Come to think of it, sa Pilipinas na-achieve ni Kris ang ganito kagandang estado ng kanyang kalusugan, unlike noong nasa United States (US) siya na humpak na humpak ang kanyang mga pisngi at halos hindi na siya makilala sa sobrang kapayatan.

Ngayon ay nagkakalaman na siya, mamula-mula ang mga pisngi, at parang mas bumata pa.