POGO Chinese workers, mas prayoridad pa kaysa sa mga Pinoy, buwisit!

ni Pablo Hernandez III - @Prangkahan | January 6, 2021

SINONG SISISIHIN KAPAG MAY NAPAHAMAK SA PAGPAPABAKUNA NG HINDI REHISTRADO SA FDA?—“Hindi ipinagbabawal ng batas natin ang magpaturok (bakuna) nang hindi rehistrado.”

‘Yan ang depensa ni Presidential spokesman Harry Roque noong Dec. 28, 2020 sa mga bumabatikos sa pagpabakuna ng ilang gov’t. officials, PSG (Presidential Security Group) at PA (Philippine Army) ng smuggled vaccines na hindi aprubado ng FDA (Foods and Drugs Administration).

Kaya’t sakaling may magbenta sa online ng COVID-19 vaccines na hindi aprubado ng FDA at bumili rito ang mamamayan at iturok sa kanilang sarili na magdulo ng kanilang kapahamakan ay walang ibang dapat sisihin d’yan kundi si Roque kasi sabi niya hindi ito bawal iturok kahit hindi rehistrado sa FDA, period!

◘◘◘

HINDI NA MALALAMAN NG PUBLIKO KUNG SINO ANG NASA LIKOD NG COVID-19 VACCINES SMUGGLING SA ‘PINAS—Matapos sabihin ni P-Duterte na ayaw niyang paimbestigahan ang PSG na nasangkot sa pag-ismagel ng COVID-19 vaccines ay itinigil na ng Armed Forces of the Philippines (AFP) ang nakatakda nilang imbestigasyon dito.

Dahil ayaw nang imbestigahan ng Senado ang PSG at itinigil na rin ng AFP imbestigasyon dito ay hindi na ngayon malalaman ng taumbayan kung sino ang mga nasa likod ng pag-iismagel ng COVID-19 vaccines sa bansa, period!

◘◘◘

POGO CHINESE WORKERS, NABAKUNAHAN NA PERO ANG MGA PINOY HINDI PA—Sabi ni Filipino-Chinese civic leader Teresita Ang-See ay may nakuha raw siyang impormasyon na libo-libong POGO (Philippine Offshore Gaming Operators) Chinese workers sa Pilipinas.

Kung totoo ito, napakasaklap naman niyan kasi mas nauna pang mabakunahan ang mga POGO Chinese workers sa bansa, kaysa sa mga Pinoy, tsk-tsk-tsk!