Pinuri ang ganda ng misis… HEART KAY CHIZ: HAYOP KA!

ni Nitz Miralles @Bida | July 26, 2023

Kinilig, natuwa at natawa ang mga nakabasa sa comment ni Sen. Chiz Escudero sa video post ni Heart Evangelista sa Instagram na makikitang nagpi-fitting ito ng gown na isinuot niya sa GMA Gala Night 2023.

Sa post ni Heart, nabanggit na dream come true sa kanya na isuot ang Schiaparelli gown na five months ginawa.

Comment ni Chiz, “You look absolutely gorg, Babe... wearing this (the Bulgari necklace, that is)... and only this...”

Sagot ni Heart, “@escuderochiz Hayop ka. Hindi ‘toh Viber!!! IG 'toh!!” na sinamahan ng laughing emoji.

Na-cute-an ang mga nakabasa sa convo ng mag-asawa. Marami ang natawa at may nag-comment pa na ‘yun ang kapalit sa request ni Heart na maging active sa IG ang asawa.

Winner na winner daw ang convo ng mag-asawa at may nagbiro pa for the couple to get a room.

Ikinatuwa rin ng mga netizens na makita (mabasa) ang makulit at playful side ni Chiz at wish nilang tuluy-tuloy na ang pagiging masaya ng mga Escudero para hindi raw sila kabahan at ma-stress.

Samantala, pinapunta pala ni Heart sa Pilipinas ang favorite photographer niya sa mga dinadaluhang fashion weeks sa ibang bansa na si Edward Berthelot. Ito ang kumuha ng litrato sa pagdalo ng mag-asawang Escudero sa GMA Gala Night 2023, pati sa SONA 2023.

Mahusay na photographer si Edward Berthelot kaya favorite siya ng mag-asawa, pati na rin ng mga supporters ni Heart.