Pinay actress na may 17 M followers… LIZA, PROUD NA NAG-GUEST SA TV SHOW SA KOREA

ni Vinia Vivar - @Frankly Speaking | July 29, 2022

Sa kauna-unahang pagkakataon ay napanood si Liza Soberano sa isang TV show sa South Korea. Naimbitahan ang aktres para mag-guest sa variety show na Not Hocance But Scance ng MBN Entertainment.

Sa video ng show na ini-release ng MBN Entertainment, makikita si Liza na kinakapanayam ng mga hosts na sina Nicole, Kang Ji-young, Ye Ji-won and Soyou over barbecue dinner.

Makikita sa video ang pagdating ni Liza sa show at in-introduce siya ng producer sa mga hosts na “very popular actress from the Philippines and has 17 million followers on social media.”

Sa nasabing show ay sinabi ni Liza na nasa South Korea siya para maghanap ng trabaho.

“Kinda vacation, kind of work. I’m just exploring. And I’m a huge fan of like… K-pop and K-drama, so I want to like try to find work here,” sey ni Liza.

Sinabi rin ng aktres sa mga hosts na napapanood niya ang mga music videos ng mga ito kaya tinanong siya ni Soyou kung alam niya ang kanta nito.

“Yeah, Touch My Body. You’re in a lot of K-drama OSTs (original soundtrack),” sabi ni Liza.

Tinanong siya ni Jiwon kung bakit niya gusto ang Korea, at ani Liza, “I don’t know, I’ve liked it since I was 11. It started with K-pop. And then I started watching dramas like Boys Over Flowers and stuff.”

Before the show’s airing ay nag-post din si Liza sa kanyang Instagram Stories ng mga larawan na kuha sa guesting niya and wrote, “Had my first ever Korean show guesting tonight on MBN’s Not Hocance But Scance. Thank you to the host and guests of the show for making the experience fun and memorable!”