‘Pinas, gagawing Davao City

ni Pablo Hernandez III - @Prangkahan | July 04, 2021

GAGAWING PARANG DAVAO CITY NG PAMILYA DUTERTE ANG ‘PINAS, SILA-SILA LANG ANG MAGPAPALITAN SA PUWESTO—Matapos sabihin ni Presidential spokesman Harry Roque na gusto na ni P-Duterte na patakbuhin sa pagka-pangulo ang kanyang anak na si Mayor Sara Duterte-Carpio, sinabi ng pangulo na ikonsidera na rin siyang kandidato sa pagka-vice-president sa 2022 election.

Dahil d’yan, lumalabas na seryoso si P-Duterte na gawing ‘Davao City’ ang Pilipinas, na silang Duterte lang ang magpapalit-palitan sa puwesto kada may eleksiyon, boom!

◘◘◘

PUWEDE TUMAKBONG VP SI P-DUTERTE, PERO ANG HINDI MASABI NG IBP KUNG MAY PANALO ITO SA PAGKA-VP—Sabi ni Integrated Bar of the Philippines (IBP) President Domingo Cayosa ay puwedeng kumandidatong vice-president si P-Duterte kasi wala naman daw nakasaad sa Konstitusyon na bawal kumandidato sa pagka-VP ang pangulo.

Sa dami nang bumabatikos ngayon sa Duterte gov’t., ang hindi masabi ni Cayosa ay kung may panalo sa pagka-VP si P-Duterte, period!

◘◘◘

NAGIGING MALILIMUTIN NA SI P-DUTERTE—Sa inagurasyon ng operasyon ng LRT-2 ay ibinida ni P-Duterte na sinabihan na niya si Sec. Arthur Tugade ng Department of Transportation (DOTr) na magpairal ng libreng sakay sa loob ng isa o dalawang linggo para maligayahan ang mga tao, lalo na ang mga estudyante.

Nagiging malilimutin na si P-Duterte kasi siya mismo ang nagsabi noong June 22, 2021 nang no “face-to-face” classes na ibig sabihin hindi pa puwedeng lumabas ng bahay para pumasok sa klase at pokus muna ulit sa online class ang mga mag-aaral, tapos sabi niya sa pasinaya ng LRT-2 at para maligayahan ang mga estudyante sa libreng sakay sa tren, ha-ha-ha!