ni Angela Fernando - Trainee @News | April 16, 20244
Nagpahayag si Pangulong Ferdinand Marcos Jr. nu'ng Abril 15 na tinitingnan ng bansa kasama ang United States ang pagpapalawak sa taunang “Balikatan” military exercises at kung maaaring isama ang Japan matapos ang trilateral meeting ng mga lider ng tatlong bansa sa Washington nu'ng nakaraang linggo.
Niyakap ni Marcos ang ideya ng pagsali ng Japan military sa Balikatan war games, na isinasagawa sa ilalim ng Mutual Defense Treaty sa pagitan ng 'Pinas at ng US.
“I don’t see any reason why not. It is a good move for us to make it easier to work together and coordinate together, [and] maximize the resources we have to maintain peace and stability,” saad ni Marcos.
Sinabi ni Marcos ang pahayag bilang tugon sa tanong kung maaaring maging trilateral na gawain ang mga pagsasanay ng Balikatan nang siya ay humarap sa mga miyembro ng Foreign Correspondents Association of the Philippines sa isang sesyon.