Pinangalanan ni Diego… CESAR, BUKING NA MAY 3 PANG CHIKITING
- BULGAR
- May 23, 2022
- 1 min read
ni Nitz Miralles - @Bida | May 23, 2022
Kundi pa binati ni Cesar Montano ng “Happy Birthday” ang anak na si Diego Loyzaga na birthday noong May 21, hindi pa namin malalaman na may tatlo pa siyang maliliit na anak.
Sa video ni Cesar na kinakantahan ng “Happy birthday” si Diego, kasama niya ang tatlong anak.
“I love you, Dad, Samuel, Liam and Kristen!” ang sagot ni Diego sa birthday greetings ng ama at mga kapatid.
Sa IG story ni Diego, ipinost din niya ang video ni Cesar at mga kapatid at ang caption ay: “My heart is full. I love my whole fam so much!”
Pinuri si Diego ng mga netizens sa pagtanggap sa kanyang mga kapatid at pati nga sa mga kapatid niya kay Sunshine Cruz ay very close si Diego.
Hindi rin nakalimutan ni Franki Russell na batiin ang rumored BF na si Diego sa 27th birthday nito at tinawag pa ngang “Papi” ang actor.
“Happy birthday @diegoloyzaga you have the biggest heart and everyone around you is so lucky to have someone like you in their life. 27 ain’t ready for you Papi.”
Comments