Pili pa more sa klase ng bakuna ang mga Pinoy!

ni Ka Ambo - @Bistado | May 23, 2021

Namimili pa ng klase ng bakuna ang mga hitad.

Akala ay putahe sa fiesta ang COVID-19!

◘◘◘

ITINAKDA na ang laban ni Sen. Manny Pacquiao sa Agosto sa taong ito sa Las Vegas, Nevada.

Makakatunggali niya ang walang talong si Errol Spence.

Bilyong piso ang makokobra ng anak ni Nanay Dionesia!

◘◘◘

NANG matalo si Pacquiao kay Floyd Mayweather ay inamin ni Bob Arum na may iniindang sakit sa balikat ang kanyang alaga bago ang laban.

Pero, bakit hindi nila iniatras ang laban?

Tumabo ang mga pusakal na sugarol nang pumusta sa kalaban.

He-he-he!

◘◘◘

PUSAKAL na mga sugarol ang manonood sa Las Vegas.

Susundan ko kung saan tataya si Chavit!

◘◘◘

NAGKASUNDO ang Palestine at Israel sa tigil-putukan.

Nagsimula naman ngayon ang palitan ng putakan!

◘◘◘

NAGKAKAISA raw ang Pilipinas at China sa mapayapang usapan kaugnay sa West Philippine Sea.

Siyempre, nakauna na ang nakaposisyon sa mga isla.

Matagal nang kalakaran 'yan, walang bago!

◘◘◘

INAASAHAN ang 20 milyong doses ng COVID-19 vaccine ngayong Hunyo.

Namputsa, saan dadalhin 'yan kung ayaw magpabakuna ng mayorya?

◘◘◘

KAHIT sa Amerika, marami ang ayaw magpabakuna.

May phobia sila sa tusok ng karayom!

◘◘◘

SA isang barangay sa Plaridel, Bulacan —nagpabakuna ang 29 sa 30 barangay tanod.

'Yung isang natakot sa bakuna, tinamaan ng COVID-19, tepok.

Sino pa riyan ang ayaw magbakuna, itaas ang kamay at ihanda ang kabaong?

◘◘◘

SA India, isang bangkay ng lola na biktima ng COVID-19 ang biglang dumilat at nabuhay nang susunugin na ang kanyang labi.

Nakumpirma niyang ang impiyerno ay nasa lupa lang pala, kaya gumising!