Pikon na si Inoue, kakasa kay Casimero

ni Gerard Arce - @Sports | September 03, 2021

Tila hindi na napigilan ni unified IBF/WBA/The Ring bantamweight champion Naoya “Monster” Inoue ang matinding pasaring at paghahamon ni Filipino WBO 118-pound titlist “Quadro Alas” John Riel Casimero kung kaya’t kumasa na ito sa laban sa kahit anong panahon o lugar.

Nag-init ang ulo ng undefeated Japanese fighter sa mensahe ng 31-anyos na 3-division World champion at matapang na nag-post-fight interview at binuska rin niya ng paghamon ang isa pang Filipino American titlist na si “The Filipino Flash” Nonito Donaire Jr na hawak ang WBC 118-lb belt.

Sa kanyang social media account, ibinuhos ng 28-anyos na tubong Zama, Kanagawa, Japan ang kanyang inis at gigil sa Ormoc City native na agarang kumagat sa pang-aasar ng Filipino titlist.

“Why should I be a good girl? Is anyone’s image of Naoya Inoue a saint/prince? Why do I have to keep silent because I was so enthusiastic that I was provoked radically and was pointed out in the live broadcast?” pahayag ni Inoue sa kanyang Twitter account. “There are people who say various things, but this is an individual remark with Casimero. Just buy the quarrel that was sold. Please organize a match,” dagdag nito.

“First, Rigondeaux (is) finished. Second, (Nonito) Donaire. Next, (Naoya) Inoue,” wika ni Casimero, sa post-fight interview ni Jim Gray ng Showtime na tumugon ng “That was colorful.”

Muli namang naglabas ng kanyang saloobin ang nagngingitngit na si Inoue sa kanyang twitter account na nagpahayag gawin ang kanilang laban ngayong taon, ngunit kailangang sumailalim sa ‘doping management.’ “Once the match with Casimero is decided, I would like to beat it under the rule of boxing,” saad ni Inoue. “Therefore, we firmly ask for weight management “Doping” management so that the match will be established. I hope this year.”

Kinumpirma naman ni Casimero na itatakda sa huling bahagi ng 2021 o sa Disyembre 11 ang kanilang bakbakan.