Kinuyog sa Canada... Claire, tinawag na pangit at sinungaling

ni Mylene Alfonso @News | July 5, 2026

Photo: PCO - RTVM

Buwelta si Palace Press Officer Undersecretary Claire Castro sa mga kumuyog sa kanya at kasamang staff nito dahil sa naranasang verbal attack mula sa isang Pilipino habang kumukuha sila ng video sa Vancouver, Canada.

Sa isang viral video, makikitang nilapitan siya ng grupo, minura, at sinabihang ‘Pangit’, ‘Sinungaling’, at ‘Shame on you Ante Kler!’.

“Actually, gumagawa sana kami ng reels para dito sa event kung saan bumisita ang ating Pangulo sa Canada. May lumapit sa amin na isang Pilipino. Ngumiti ako at tinanong niya kung ako si Usec. Claire. Sinabi ko yes at doon sinabi niya na at sumigaw na siya ng, ‘Ask your President to resign,’ kinuyog na kami,” pahayag ni Castro sa isang panayam.

"Samantala kung tutuusin kami nagtatrabaho kami, hindi kami nagbabakasyon. We’re just doing our job pero nahinto 'yun hindi na kami nakapagtapos ng aming pag-shoot ng reels dahil nga may mga Pilipino na ganito ‘yung ugali,” diin ni Castro.

“Hindi ko alam kung anong grupo sila, pero ‘yung naratibo nila 'yung tipong ‘BBM resign,’ ‘yung naratibo nila ay maleta, naratibo, eh ‘magnanakaw’. At sinabihan ako na pangit at sinungaling. So, nu'ng sinabi nila na pangit daw ako feeling ko sila 'yung sinungaling. May mga ganyang tao.”

Sinabi ni Castro na bagama’t nirerespeto naman nila ang freedom of expression, hindi naman kailangang maging bastos dahil ang ginawa ng grupo ay parang hindi ugali ng isang Pilipino.

“At that time, dalawa lang kasi kami ni Director Robertzon dahil siya ang kumukuha ng video at may hawak ng camera. So, threaten siguro in a way kasi dalawa lang kami,” ani Castro.

Bagama’t hindi niya tukoy kung sino ang nasa likod nito, posibleng ang ini-idolo umano ng mga ito ay ‘bayolente’.

“Hindi namin alam buti na lang thank God na pagtawid kasi namin hindi namin alam na may mga police officers. Pagtawid namin kinausap na namin sila kasi sumusunod sila pero i mean kung ganyan talaga ang magiging ugali ng Pilipino hindi kayo uunlad, kawawa pa rin kayo,” pagtatapos ng Palace official.

P805B kickback, idineliber kay PBBM at mga cong. — 18 ex-Marines... Script n'yo, sablay! — Castro

ni Mylene Alfonso @News | February 26, 2026

Photo: PCO

Tinawag ng Malacañang na paulit-ulit ang kasinungalingan hinggil sa akusasyon ng 18 umano’y dating Marines na sinasabing nagdala ng male-maletang pera sa ilang mambabatas at kay Pangulong Ferdinand Marcos, Jr.

Inilarawan din ng Palasyo ang mga paratang ni Atty. Levi Baligod at ng 18 nagpakilalang Marines na lousy script.

“Paulit-ulit na kasinungalingan laban sa Pangulo. Lousy script, hindi pang-award winning.

Hindi malinis, alam mo na may kasinungalingan,” wika ni Palace Press Officer Claire Castro sa Palace briefing.

Una rito, ibinunyag ni Baligod at 18 nagpakilalang Marines na nagsilbi silang bagmen na nagdala ng P805 bilyon kina Pangulong Marcos, dating House Speaker Martin Romualdez at dating Rep. Zaldy Co.

Sinabi rin nila na nagtrabaho sila bilang mga security personnel ni Co.

Kaugnay nito, naniniwala si Castro na posibleng ang may-ari ng sasakyang sumundo sa mga lalaki matapos ang press conference noong Martes ang nasa likod ng mga paratang.

“Dapat ninyo sigurong malaman, kung sino talaga, alamin ninyo muna at baka kayo—I believe, hindi kayo magugulat, same people,” ani Castro.

Gayunman, hindi na nagbanggit ang Palace official ng kahit sinumang pangalan, ngunit sinabi niyang sila rin ang “parehong mga tao” na nasa likod ng mga kahalintulad na paratang laban kay Marcos at iba pang mga opisyal ng administrasyon.

Nang tanungin kung magsasampa ng reklamo ang Malacañang laban kay Baligod at sa nagpakilalang mga Marines, sinabi niya na nakasalalay na ito sa pulisya at sa National Bureau of Investigation kung bubuo sila ng mga kaso laban sa mga nagpapakalat ng “fake news”.

“Dapat pa ba silang utusan? Hindi po, obligasyon ng NBI, PNP, (Department of Justice),” pagtatapos ni Castro.

'Pinas, 3rd pinakakorup sa Southeast Asia... Expected na 'yan — Castro

ni Mylene Alfonso @News | February 13, 2026

Photo: Presidential Communications Office

Pangatlo sa pinakakorup na bansa sa Southeast Asia ang Pilipinas, ayon sa Corruption Perceptions Index in 2025.

Inilapat ang index ng global anti-corruption monitor na Transparency International. 

Sinusukat umano ito kung gaano katiwali ang public sector ng isang bansa base sa pananaw ng ilang eksperto at negosyante.

“Expected po iyan dahil binuksan po ng Pangulo ang isyu tungkol sa korupsiyon. So, kung binuksan ng Pangulo ang korupsiyon, magkakaroon ng pag-iimbestiga, at ito po ang ninais ng Pangulo – maimbestigahan,” wika naman ni Palace Press Officer Undersecretary Claire Castro sa briefing. 

“So, noong nagkaroon ng imbestigasyon, na-open ang mga natatago noon kaya nililinis po ng Pangulo ang nangyari noong nakaraan. Lahat ng dumi ng nakaraan, nililinis ngayon,” diin ni Castro.

Gayunman, hindi partikular na tinukoy ni Castro kung ano ang tinutukoy na “dumi ng nakaraan.”

Ang iskor ng Pilipinas na 32 ay mas mababa sa global average na 42 at inilalagay ang bansa sa ika-120 puwesto.

Mas mababa ito ng isang punto kumpara sa iskor nitong 33 noong 2024, na naglagay sa Pilipinas sa ika-114 na puwesto mula sa 180 bansang sinukat.

Sa iba pang mga kasaping bansa ng ASEAN, mas mababa ang ranggo ng Pilipinas kumpara sa Singapore (ika-3), Malaysia (ika-54), Brunei (ika-63), Timor-Leste (ika-73), Vietnam (ika-81), Laos (ika-109), Indonesia (ika-109), at Thailand (ika-116). Tanging ang Cambodia (ika-163) at ang Myanmar na pinamumunuan ng military junta (ika-169) ang may mas mababang puwesto sa corruption perception index.

Ang index, na binuo ng global anti-corruption monitor Transparency International, ay sumusukat kung gaano itinuturing na korup ang pampublikong sektor ng isang bansa batay sa pananaw ng mga eksperto at mga negosyante.