PCSO, namigay ng food packs sa mga residente ng Taguig
- BULGAR
- Nov 13, 2021
- 1 min read
ni Fely Ng - @Bulgarific | November 13, 2021
Hello, Bulgarians! Sa pamamagitan ng tanggapan ni Vice-Chairperson at General Manager Royina M. Garma ang Philippine Charity Sweepstakes Office (PCSO) ay nag-donate ng 200 food packs sa mga pamilyang naapektuhan ng COVID-19 pandemic sa Barangay Palingon, Tipas, Taguig City.
Ang donasyon ay bahagi ng pangako ng ahensiya na dagdagan ang mga supply at mag-ambag sa gobyerno na mapanatili ang kabuhayan ng mga taong nadiskaril ang kabuhayan dahil sa pasulput-sulpot na lockdown sa Metro Manila at sa iba pang bahagi ng bansa.
Pinangasiwaan ni Ms. Emilyn Ubales mula sa Office of the General Manager ang turnover kay G. John Paul B. Ang, kinatawan ng Barangay Disaster Risk Reduction Management Center na ginanap kamakailan sa extension office ng General Manager sa Sun Plaza Building, Mandaluyong City.
“Maraming salamat kay General Manager Garma sa mga food packs dahil maraming pamilya po ang makikinabang dito”, pahayag ni Mr. Ang.
Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.
Comments