PBBM, BUKING NA PANAY ANG PARTY NOON, NAKATIKIM KAY EX-PRES. MARCOS

ni Nitz Miralles - @Bida | July 25, 2022

Napapansin namin, walang namba-bash kina Cesar Montano at Diego Loyzaga among the cast ng Maid in Malacañang, gayung ka-react-react din ang mga pahayag nila tungkol sa mga Marcos at sa pelikula.

Parang na-focus ang bashing at reaction kina Director Darryl Yap, Ella Cruz at Ruffa Gutierrez.

Wala ring namba-bash sa Viva Films na producer ng pelikula at sa ibang cast na nagpahayag na maka-Marcos sila.

Siguradong may sagot dito si Mr. Vic del Rosario kapag tinanong kung bakit ipinrodyus niya ang controversial film na may August 3 playdate at tatakbo ng one hour and 51 minutes.

Sabi pala ni Direk Darryl kay Diego, mahusay ang actor sa role niya bilang si Bongbong Marcos at hindi siya magugulat kung tumaas man ang talent fee nito after mapanood sa Maid in Malacañang.

Samantala, ginawan pala ng special feature ni Direk Darryl sina Diego at Sen. Imee Marcos galing sa eksena sa movie kung saan pinagalitan ni President Ferdinand Marcos, Sr. si Bongbong dahil palaging nasa party.

Tinawag ni Direk Darryl na Party Animal ang feature na mukhang masusundan at magiging series.