Payo sa mga naghihiwalay sa showbiz… OGIE: INGATAN NILA ANG PUSO NILA

ni Vinia Vivar @Frankly Speaking | February 10, 2024

Si Asia’s Songbird Regine Velasquez pala ang utak sa likod ng pagsasama ng mister niyang si Ogie Alcasid at ni Odette Quesada sa isang concert since never pa ngang nagkasama ang dalawang OPM icons in the past.

Yes, for the first time, Ogie and Odette will be having a Valentine concert called Love Q & A  on Feb. 13 sa Nustar Convention Center sa Cebu, and on Feb. 14 and 15 sa Newport Performing Arts.   

Ayon kay Odette nang makausap namin sila ni Ogie kahapon during rehearsal break, instrumental daw si Asia’s Songbird kung paano nabuo ang Love Q & A.

“I went to watch Iconic concert nina Sharon Cuneta and Regine in San Jose, California and then she (Regine) came up to me, ‘No, I want you and Ogie to do a concert together and I already have a perfect title for it.’ She said, ‘Q & A.’

“Sabi ko, ‘Are you sure?’ Kasi ‘Q' will be ako, mas unang name,’” chika ni Odette.

The ‘Q’ stands for Quesada and ‘A' for Alcasid.

Of course, hindi naman problema kay Ogie kung mauna man ang pangalan ni Odette at thankful nga raw siya na pumayag ito to do a concert with her.

Ayon pa sa mister ni Regine, nag-aaral pa lang daw siya sa La Salle ay Odette Quesada na ito at pinakikinggan na niya ang mga hits nitong Till I Met You, A Friend of Mine, Farewell, A Long, Long Time Ago and Don’t Know What To Do.

Sabi naman ni Odette, “Ogie has been around the industry (for so long), kasi ako, I kinda faded away for 20 years, and then on my 50th birthday, I said, ‘Parang I wanna do this again.’"

Based na kasi ang OPM singer/songwriter sa US at nagtatrabaho as an employee sa isang kumpanya. Pumupunta lang daw siya ng Pilipinas kapag meron siyang show or concert.

Dahil nga usung-uso ang hiwalayan sa showbiz at Valentine’s Day ang kanilang concert, natanong ang dalawang singers-songwriters kung may kanta ba sila para sa mga showbiz couples na naghiwalay.

Natatawang sabi ni Odette, “Farewell.”

Natanong naman si Ogie kung ano ang maipapayo niya sa mga celebrity couples na naghiwalay since ang marriage nga nila ni Regine ay nananatiling matibay.

“Ingatan nila ‘yung puso nila, siguro, ‘yun na lang. It’s sad really when people break up, ‘di ba? So, take care of your heart,” sabi ni Ogie.