PAUL, HALOS SA BAHAY NA NI MIKEE NAKATIRA

ni Nitz Miralles @Bida | April 13, 2023

Grabe ang effort ni Paul Salas na maging close at mas makilala siya ng pamilya ng girlfriend na si Mikee Quintos.

Kapag wala siyang trabaho at lakad, nasa bahay siya nina Mikee. Kasama si Paul sa mga important milestones ng mga Quintos, from birthdays ng mga members ng family, gender reveal ng sister ni Mikee at pati sa bakasyon ng Quintos family.

Sinasabayan din ni Paul si Mikee sa workout, magkasamang nagla-live sa Facebook at sabay na pinapanood ang seryeng kinabibilangan nila na The Write One at kini-criticize rin nila ang acting skills ng bawat isa.

Tuwang-tuwa ang mga fans nina Mikee at Paul sa kanilang dalawa. Hope ng mga ito na hindi na sila mag-break dahil nakakapanghinayang naman daw ang relasyon nila, pati na rin ang emotional investment ng bawat isa sa kani-kanyang pamilya. Good friends na nga ang mga mommies nina Mikee at Paul.

Anyway, magpapakilig sina Mikee at Paul sa mga fans sa pagbisita nila sa Ayala Malls Central Bloc, Cebu City sa April 15, 5 PM to promote their series, The Write One, kasama ang co-star nilang si Analyn Barro.