Patung-patong ang kaso sa panloloko sa pera… DAVID BUNEVACZ, 40 TAONG KULONG SA IBANG BANSA

ni Beth Gelena - @Bulgary Files | July 21, 2022

Inamin ng dating aktor na si David Bunevacz ang mga kasalanang may kinalaman sa panloloko sa Cannabis-Industry investors sa Amerika.

Batay sa ulat ng www.rollingstone.com, inaresto si Bunevacz noong April, 2022 dahil sa mga kasong kinakaharap niya.

Sa report ng federal prosecutors ng California’s Central District nu'ng July 15, 2022, Friday, inamin ni Bunevacz na nilustay niya ang perang nagkakahalaga ng $28M-$37M mula sa investors ng kanyang fake cannabis vaping business.

Dating decathlete si Bunevacz at mister siya ng dati ring aktres na si Jessica Rodriguez.

Ayon sa awtoridad, ginamit umano ni Bunevacz ang pera para tustusan ang maluhong pamumuhay.

Nagsusugal din daw ito na umaabot sa halagang $8-M at gumastos ng $200,000 para sa kaarawan ng anak niyang babae.

Nitong July 18 ay humarap sa federal judge ng Cailfornia Central District si Bunevacz at nag-plead guilty sa bawat isang count ng securities fraud at wire fraud.

Sa affidavit ay may nakasaad na “Both crimes Bunevacz pleaded guilty to carry a maximum prison sentence of 20 years, so he could face a total of 40 years.

"He was initially also charged with money laundering and identity theft related to the fraud charges.

"As part of the plea deal, the U.S. Attorney’s Office will move to dismiss those charges, although the judge may consider the dismissed charges when establishing sentencing guidelines. His sentencing has been scheduled for Nov. 21.”