Pati burial services… PAGLALAGYAN NG ABO NI KRIS, READY NA

ni Beth Gelena - @Bulgary Files | January 31, 2022

Pinatotohanan ni Kris Aquino na may 'forever.'

Kahit hindi sa mga nakarelasyon niyang guys ay naniniwala ang Queen of All Media na may forever at ‘yun ay sa katauhan ng kanyang personal assistant na si Alvin Gagui.

May repost ang TV host-actress sa kanyang socmed dated May 2, 2021 pa ang kuhang picture nila ni Alvin, saying, "Thank you... You have proven to me may forever."

Binigyan kasi ng surprise birthday party ni Kris si Alvin nu'ng kaarawan nito last year. In her post, she was all-praises for the said loyal assistant saying that indeed, there is forever.

Ani Kris, 16 years na raw silang magkasama ni Alvin through thick and thin.

"He has seen me at my best & at my worst, and he has stayed. I value LOYALTY, but I recognize LOVE. And I do keep my promises... si Alvin ang puwedeng magkuwento ng lahat ng mga natupad ko at lahat pa ng tutuparin ko - pero siguro this is a testament na for me he is FAMILY.

We have 4 slots in the Church of Fr. Betbet in BGC for our ashes (I’m not being morbid, I’m just organized) - I told Alvin, s’ya ang assured na katabi ko because for sure siya ‘yung mag-aasikaso nu’ng services ko. I love you, Alvin... Thank you for truly loving us, you have proven to me - may FOREVER."

Hindi naman daw siya morbid, pero alam naman daw niya na doon din mapupunta ang lahat pagdating nang araw.

Maraming followers at supporters ni Kris ang nalungkot sa mga sinabi niya.

Anila, "Para naman siyang namamaalam na. Sana, gumaling na siya agad, huhuhu."

"We love you, Kris. Ipagdarasal namin ang maaga mong paggaling."

"You're a strong woman, ang pagkakakilala namin sa iyo, idol. Lakasan mo loob mo. Kaya ‘yan... laban ka lang at kapit lang lagi kay Papa Jesus."

Kami man ay laging ipinagdarasal ang maagang paggaling ni Kris.