Pasig’s ₱9.6 billion budget: Pantay ang halaga, magkaiba ang direksyon — sino ang tunay na makikinabang?

ni Chit Luna @News | May 7, 2025

Pasig City – Magkapareho ang halaga, ngunit magkaibang pananaw sa paggasta ng ₱9.6 billion na budget ng lungsod ang naging sentro ng diskusyon sa mga residente at lokal na sektor.

Ipinakita ng kampo ni Ate Sarah Discaya ang alternatibong plano sa paggamit ng pondo, na aniya’y higit na makikinabang ang mas maraming Pasigueño.

Ayon sa kanilang panukala, ang ₱9.6 billion ay maaaring ilaan sa mga sumusunod:

₱2.7 billion – Bagong Pasig City Hall na katulad ang sukat at kalidad, ngunit mas cost-efficient.

₱500 million – Isang 11-storey public hospital para sa mga nangangailangan.

₱2.0 billion – Limang 11-storey housing buildings para sa mga informal settlers.

₱500 million – Isang bagong 11-storey university building.

₱500 million – Limang bagong 7-storey high school buildings.

₱500 million – Limang bagong 4-storey elementary school buildings.

₱300 million – Dalawang bagong tulay para sa koneksyon ng komunidad.

₱100 million – Sampung 3-kilometrong kalsada sa Brgy. Pinagbuhatan.

₱100 million – Sampung 3-kilometrong drainage at flood control systems.

₱1.5 billion – Tatlumpung multi-level multi-purpose halls at covered courts.

Kabuuan: ₱9.6 billion.

Ayon sa kampo ni Ate Sarah, ang bawat pisong inilaan sa plano ay may direktang benepisyo sa mamamayan—mula edukasyon, pabahay, kalusugan, hanggang imprastruktura sa mga barangay.

Sa kabilang banda, binigyang-pansin ng kampo ni Ate Sarah na ang buong ₱9.6 billion budget sa ilalim ng kasalukuyang administrasyon ay nakatuon lamang sa isang bagong city hall building. Ayon sa kanila, wala umanong pondo para sa ospital, pabahay, o edukasyon sa ilalim ng nasabing alokasyon.

Para sa kanilang panig, “parehong budget, pero magkaibang direksyon.” Dagdag nila, ang kanilang plano ay nakasentro sa tao, samantalang ang sa kasalukuyang administrasyon ay sa tanggapan.

May mga alegasyon ng overpricing sa city hall project, ayon sa ilang grupo, at nananawagan sila ng masusing imbestigasyon. Binanggit din ng kampo ni Ate Sarah na hindi umano naisama ang city engineer ng lungsod sa proyekto, at isang banyagang kumpanya ang nakakuha ng kontrata sa pamamagitan umano ng lokal na dummy firm.

Giit niya, kung siya ang mauupo, maaaring ikansela o muling suriin ang proyekto dahil sa mga isyung ito.

Sa gitna ng diskusyon, muling lumutang ang tanong ng maraming Pasigueño: para kanino ba ang ₱9.6 billion budget ng lungsod?

Ito'y patuloy na hamon ng transparency, accountability, at prioritization sa lokal na pamahalaan—at sa mga susunod na araw, inaasahang mas lalalim ang usapin sa harap ng mga konsultasyong publiko at pagbuo ng city budget.

Bumoto nang may isip. Bumoto nang may damdamin. Bumoto para sa kinabukasan.

Ano sa tingin mo ang mas makataong paggamit ng ₱9.6 billion? Isa lang bang gusali, o serbisyong para sa lahat?