‘They don’t deserve him’: Sen. Robin, ‘di tatakbo sa 2028 elections — Mariel Padilla

by Info @News | January 30, 2026

Photo: IG / Mariel at Robin Padilla

Nagpasya na umano si Senator Robin Padilla na hindi na tumakbo para sa isa pang elective post sa 2028 elections, ayon sa asawa nito na si Mariel Padilla.

Ibinahagi ito ni Mariel sa panayam sa kanya sa ‘Julius Babao Unplugged’, kung saan tinanong siya tungkol sa mga political plan ng senador.

“Robin does not. Ayaw na niya,” ani Mariel.

Dagdag nito, kung minsan raw ay gusto nang magbitiw ng asawa dahil sa frustration nito sa mabagal na takbo ng trabaho sa gobyerno, ngunit patuloy lang aniyang iniisip ng senador ang mga taong bumoto sa kanya.

Binigyang-diin din ni Mariel na walang plano ang kanyang mister na tumakbo sa mas matataas na posisyon tulad ng bise presidente o presidente, ngunit maaaring magbago pa rin ang mga desisyon sa pulitika depende sa mga mangyayari.

May big time sponsor daw… WILLIE, ‘DI NALUGI, MAS KUMITA PA SA PAGTAKBONG SENADOR

ni Julie Bonifacio @Winner | May 16, 2025

Photo: Willie Revillame - FB

Very open si Willie Revillame sa pagkadismaya pagkatapos matalo sa kanyang senatorial bid last election.

Napakasakit para kay Willie ang sinapit niyang pagkabigo sa unang attempt sa pagka-senador. Ang dami rin niyang isinakripisyo sa kanyang pagtakbo at isa na riyan ang Wowowin program niya sa TV5.

Ayon sa aming source, si Willie raw mismo ang nagpatigil ng kanyang programa dahil sa pagkandidato nga niya last election. 

At ngayong tapos na ang eleksiyon, wala pa rin daw balak si Willie na ibalik sa ere ang programa niya.

Hindi naman daw dahil naubusan na ng pondo si Willie pang-produce ng kanyang show. Katunayan, ni hindi nga raw nabawasan ang pera niya at nagamit sa kanyang kampanya last election.

May sponsor daw kasi si Willie sa kanyang pagtakbo. May ibang nagsasabi na ang isang mining company owner ang nag-sponsor kay Willie sa kanyang pagtakbo.

Sabi naman ng source namin, ang GP (Galing sa Puso) Partylist ang gumastos sa kampanya ni Willie.

Hindi kami sure kung ang mining company owner at GP Partylist nominee ay iisa. Basta ang sure, may nag-sponsor kay Willie at ‘di niya sariling pera ang ginamit sa kampanya ng TV host.

Anyway, duda tuloy ng aming source ay baka mas kumita pa raw si Willie kesa nalugi sa pagtakbo last election.

---

DUMAGSA ang intriga sa mga kamakailang episode ng FPJ’s Batang Quiapo (BQ) sa pagdating ng dalawang bagong karakter na ginagampanan ng beteranong aktor na si Leo Martinez at ng Filipino-Korean actress na si Angeli Khang.

Napanood na ang mga eksena nina Leo at Angeli sa BQ this week.

Sa naturang episodes din, nakaeksena nila ang mga major characters sa Kapamilya action-drama series sa pangunguna ng bida, direktor, at producer ng BQ na si Coco Martin.

Ipinakilala si Leo sa kuwento bilang si Mr. Kwon, isang negosyante na nakipag-deal sa pamilya Montenegro. Kasama niya ang kanyang apo at tagapagmana, si Veronica, na ginampanan ni Angeli.

Ang kanilang unang araw ng paggawa ng pelikula para sa BQ ay itinakda sa loob ng marangyang Montenegro mansion, kung saan nag-debut ang dalawang karakter.

Kung pagbabasehan ang mga eksenang ipinalabas sa ngayon, mukhang medyo nagkakasundo si Mr. Kwon at ang mga Montenegro. Maging si Tanggol (Coco Martin) ay hindi maitago ang kanyang tuwa nang pagmasdan niya ang magandang si Veronica. 

Mabilis na nakuha ng mga manonood ang chemistry nina Coco at Angeli, at marami ngayon ang nag-iisip kung mas lalalim ba ang koneksiyong ito nina Tanggol at Veronica sa mga susunod na araw.

Pero siyempre, hindi pa tayo dapat masyadong kampante. Kung tutuusin, kilala ang BQ sa mga hindi inaasahang pagliko at paglilipat ng mga alyansa nito. Kaya ang tunay na tanong ay—talaga bang mapagkakatiwalaan sina Mr. Kwon at Veronica? O sa huli ay magiging kaaway sila ng pamilya Montenegro?

Huwag palampasin ang bawat episode ng BQ airing weeknights on Kapamilya Channel, Kapamilya Online Live (KOL), TV5, and A2Z.

‘Di pinalad manalong senador… BONG, MAG-AALAGA NA LANG NG APO

ni Nitz Miralles @Bida | May 16, 2025

Photo: Bong Revilla Jr. - IG

Napanood namin ang video ni Senator Bong Revilla na in-assure ang mga supporters niya na okey naman siya. Ganu’n daw talaga sa pulitika, at isa-isang nag-congratulate sa mga nanalong 12 senators.

Pinasalamatan ni Bong ang mga bumoto sa kanya. 

“Salamat sa halos 12 million na nagtiwala sa akin. Ang aking taos-pusong pasasalamat sa inyo mula Luzon, Visayas at Mindanao. Ang importante ngayon, magkaisa tayo para sa bayan. I-solve natin ang tunay na problema ng bayan. Tama na ang gibaan. Hindi matatapos ang pagtulong hangga’t kaya natin.

“Kung anuman ang nangyari, tanggap ko na. Ang importante, masaya tayo, tama na ang gibaan. Let’s move forward para sa bayan. Mahal kayo ni Bong Revilla. Alam ko may purpose si God sa akin.”

Nasa farm si Bong that time at mukhang mas marami siyang time na mag-stay doon ngayon at out muna sa pulitika. 

“I will spend time with my family, magpahinga, mag-aalaga muna tayo ng apo. Sa inyong lahat, mahal ko kayo. Walang sama ng loob. Mahal ko kayo,” sey ni Bong.

Habang wala siya sa pulitika, magagawa na ni Bong ang mga nakaplano niyang pelikula at puwede na uling gawan ng sequel ang Walang Matigas na Pulis sa Matinik na Misis (WMNPSMNM) nila ni Beauty Gonzalez.

---

Marami raw plastic sa pulitika…

NETIZENS KAY LUIS: SA SHOWBIZ KA NA LANG!

ANG bilis ding nakapag-move on ni Luis Manzano sa resulta ng katatapos na midterm elections kung saan hindi siya pinalad na manalo. 

Nag-shift agad at binalikan nito ang pagiging TV host at tinanong ang mga netizens ng “Ano mas trip ninyo bumalik? Rainbow Rumble (RR), Deal or No Deal (DOND), or Minute to Win It (MTWI)?”

Sinundan ni Luis ng “Game!” ang tanong niya. Ibig sabihin, ready na siya na balikan ang pagiging host at pinapapili ang mga netizens kung sa ano’ng show nila gustong mapanood uli si Luis.

Iba-iba ang choice ng mga friends at followers/fans ni Luis. Ang asawang si Jessy Mendiola, RR ang unang gustong gawin ni Luis. Si John Prats, ang 3 shows daw. Si Robi Domingo, It’s Your Lucky Day (IYLD) ang gustong unahin ni Luis. May nag-request naman ng Game Ka Na Ba? (GKNB).

Anuman ang unahing gawin ni Luis, susuportahan ng mga fans dahil sabi nga nila, na-miss nila si Luis. 

May nag-comment pa nga na iwan na niya ang pulitika at sa showbiz na lang siya. Mas marami raw totoong tao sa showbiz at marami namang plastic sa pulitika.

In fairness kay Luis, ang daming bumoto sa kanya at ibig daw sabihin, marami ang nagmamahal sa kanya. Hindi pa lang tamang panahon na pasukin niya ang pulitika at sana raw, hindi pa rin mawala sa puso niya ang makatulong sa mga nangangailangan.

---

NAKAKATUWA si Sharon Cuneta dahil hindi lang pinasalamatan, kinunan din at ipinost ang reels ng mga volunteers ng asawa at ngayon ay balik sa pagiging senador na si Kiko Pangilinan. 

Nakakatuwang panoorin ang pagkakagulo at tuwa ng mga volunteers nang malamang pumasok sa Top 12 si Kiko at pang-No. 5 pa.

Sey ni Sharon, “Nu’ng akala namin, malabo na, mahirap na, madilim na... Our hardworking volunteers and staff on Election Night. They are the ones who never gave up on their dreams and hopes for the future of our country. They worked tirelessly for Kiko to win—leaving their families and loved ones for days, weeks, months on end to bring us to the finish line. 

“We love and value each and every one of you guys. When we saw this on video on May 12, we were overwhelmed and touched and became emotional not just because of the amazing, unexpected results, but because we saw and felt the pure joy in your hearts... 

“You are ours always. You took care of my husband when I couldn’t be with him. You kept him company and encouraged and supported him. We love and adore you. We will continue to fight because of you and those like you.”

In-acknowledge ni Sharon na hindi mananalo si Kiko kung wala ang mga volunteers. 

“We love you. And you are so very precious to us. Thank you from the depths of all our hearts,” pasasalamat ni Mega.