Kababaihan, senior citizens ng Pasig, inendorso si mayoral candidate Ate Sarah

ni Chit Luna @News | May 4, 2025

Pasig City – Ikinagulat ni mayoral candidate Sarah Discaya ang mainit na suporta mula sa mga kababaihang urban poor ng Pasig, kabilang ang mga senior citizens, na ipinakita sa isang martsa noong gabi ng Mayo 1. Kasabay ito ng pagdiriwang ng ika-123 Araw ng Paggawa.

Hindi inaasahan ni Ate Sarah ang naturang pagsuporta na ginanap sa labas ng St. Gerrard Construction Office, kung saan libu-libong kababaihan mula sa iba't ibang barangay sa lungsod ang nakiisa.

“Hindi sapat ang salitang salamat,” ang tanging nasabi ni Ate Sarah bilang tugon sa kanyang pagkabigla.

Nagmula sa Brgy. Rosario, Brgy. Manggahan, at Brgy. Bambang ang mga kalahok na kababaihan at senior citizens, dala-dala ang kanilang sigasig at paninindigan. Ang mga ito ay kumakatawan sa mga sektor ng lipunan na madalas hindi naririnig ang tinig sa usaping pampulitika.

“Sobrang nakaka-overwhelmed, sobrang nakaka-touched,” dagdag pa ni Ate Sarah habang pinanonood ang pag-agos ng pagmamahal at pagtitiwala mula sa mga tagasuporta.

Ang martsa ay sinamahan ng mga plakard, streamers, at mga banner na may nakasulat na pangalan ni Ate Sarah hatid ang mga mensahe gaya ng “Magsuri, lumahok.

Magpasya. Tara na.” Ipinakita rito ang matatag na suporta ng mga kababaihan at senior citizens sa kandidatura ni Ate Sarah at ng kanyang Team Kaya This.

Hinimok naman ni Ate Sarah ang lahat ng sumuporta na manatiling aktibo at ipagpatuloy ang kanilang suporta hanggang sa mismong araw ng halalan sa Mayo 12.

Aniya, ito ang panahon upang tunay na marinig ang boses ng masa sa lungsod.

Ayon sa mga organizer, walang tumanggap ng bayad o insentibo sa isinagawang martsa, patunay umano na bukal sa loob ang kanilang paglahok at pagtindig para sa isang kandidatong matagal nang kasama sa mga adhikaing pang-komunidad.

"Double the help, double the hope for every Pasigueño"... Ate Sarah at Kuya Curlee: Panata para sa tao, hindi sa bulsa

ni Chit Luna @News | May 3, 2025

Pasig City – Sa kanyang pagsabak sa pulitika, ipinakita ni Ate Sarah Discaya ang kanyang hindi matitinag na paninindigan para sa serbisyo publiko.

Kung sakaling mahalal bilang alkalde ng Pasig, ipinangako niya na hindi tatanggapin ang kanyang buwanang sahod. Sa halip, ang kanyang sahod ay buong-buo niyang ibibigay sa mga charitable foundations na tumutulong sa mga bata, PWDs, matatanda, ulila, at mga kapus-palad sa lungsod.

Hindi rin nag-iisa si Ate Sarah sa misyon na ito. Kasama niya ang kanyang asawa at katuwang sa serbisyo, si Kuya Curlee, na maglalaan din mula sa sariling bulsa upang tiyakin na ang mga tulong na ipamamahagi ay makararating sa tamang benepisyaryo.

Ang prinsipyo nila ay simple ngunit makapangyarihan: "Double the help, double the hope for every Pasigueño."

"Babawiin po namin, pero hindi sa paraang iniisip ng iba," ani Ate Sarah, tumutukoy sa kanilang pangako ng hindi pagtanggap ng suweldo.

Ayon sa kanya, hindi nila babawiin ang ginastos sa pamamagitan ng salapi o kapangyarihan, kundi sa pamamagitan ng paggawa ng mabuti at pagkakaroon ng malasakit sa bawat Pasigueño. Ang kanilang "yaman" ay makikita sa mga ngiti ng mga taong natulungan at sa mga pagbabago sa buhay ng mga pamilya.

Ang mag-asawa ay naniniwala na ang tunay na yaman ay hindi nasusukat sa materyal na bagay, kundi sa kabutihang naipamahagi. “Hindi pera ang aming babawiin, kundi ang kaligayahang hindi kayang bilhin at ang kapayapaan ng paglilingkod,” dagdag ni Kuya Curlee.

Para sa kanila, ang paglilingkod ay hindi lang tungkol sa pamumuno kundi ang pagpapalaganap ng pag-asa at pagmamahal sa bawat komunidad.

Kasama sa kanilang plataporma ang mga programang nakatuon sa kalusugan, edukasyon, at mga pagkakataon para sa kabataan.

Ang mag-asawa ay matagal nang advocates ng sports development at youth empowerment, at ipagpapatuloy nila ang pagsuporta sa mga programang makikinabang ang mga batang Pasigueño.

Sa kabila ng mga hamon at kahirapan sa pulitika, nagsisilbing gabay ni Ate Sarah ay malasakit sa mga mamamayan ng Pasig. Ang kanyang pagtakbo ay hindi para sa pansariling interes, kundi para sa ikabubuti ng buong komunidad, lalo na ng mga mahihirap at nangangailangan.

WHO, binatikos sa pagkuha ng mas maraming senior directs sa gitna ng kakulangan sa budget

ni Chit Luna @News | May 3, 2025

World Health Organization - WHO / Circulated

Nahaharap sa matinding pagsusuri ang World Health Organization (WHO) dahil sa pagpaparami ng senior director positions sa Geneva, na nagdudulot ng pangamba sa tamang paggamit ng limitadong pondo. 

Ayon sa mga kritiko, naililihis nito ang pondo mula sa mahahalagang initiatives sa pampublikong kalusugan, lalo na’t humaharap ang organisasyon sa kakulangan sa badyet.

Batay sa pagsusuri ng Health Policy Watch sa datos ng human resources ng WHO, tumaas nang malaki ang bilang ng D2-level directors — isang mataas na posisyon sa ilalim ng senior team ng Director-General — mula 39 noong Hulyo 2017 patungong 75 pagsapit ng Hulyo 2024.

Tinatayang umaabot sa $92 milyon ang pinagsamang gastos para sa mga senior position na ito, kasama ang team ng Director-General.

Maaari pa itong umabot sa $130 milyon kung isasama ang mga P6-level staff na may katulad na responsibilidad sa pamamahala. Binatikos ng Nicotine Consumers Union of the Philippines (NCUP) ang prayoridad ng WHO sa paggastos.

“It is time for the WHO to refocus on its mandate of improving public health, instead of spending its resources on highly-paid officials who support their dogmatism, such as alienating the hundreds of millions of smokers who deserve less harmful alternatives. With the US withdrawing its support from the WHO, hiring more executives is unjustifiable,” ani Antonio Israel.

Ipinahayag din niya ang pag-aalala sa pagdepende ng WHO sa pribadong pondo, na maaaring magdulot ng conflict of interest.Binanggit niya ang Bloomberg Philanthropies, na dati nang inakusahan ng Kongreso ng Pilipinas ng panghihimasok sa lokal na mga polisiya. 

Sa isang imbestigasyon sa Kongreso tungkol sa pagtanggap ng Food and Drug Administration (FDA) ng dayuhang pondo para sa paggawa ng mga regulasyon para sa non-combustible alternatives sa sigarilyo, kinondena ng mga mambabatas ang ganitong gawain na nagbibigay ng impluwensya sa mga pribadong organisasyon sa pambansang patakaran sa pamamagitan ng mga grant na ibinibigay sa mga ahensya ng gobyerno.

“The WHO can still fulfill its mandate of promoting health and safety while helping the vulnerable worldwide by actually extending medicines and vaccines to those that need them the most and not by engaging in endless debates on whether modern technologies such as smoke-free products should be banned or not,” dagdag pa ni Israel.

Binatikos din niya ang nalalapit na WHO Framework Convention on Tobacco Control Conference of the Parties (COP 11), na aniya ay isang pag-aaksaya ng pondo at plataporma lamang para isulong ang partikular na agenda.

Aniya, muli na namang pipilitin ng mga WHO directors ang mga bansa na tanggapin ang kanilang prohibitionist dogma sa COP 11, nang hindi pinakikinggan ang milyun-milyong konsyumer at stakeholder na mas apektado.

Hinimok ni Israel ang WHO na iwasan ang pagkiling at ikonsidera ang tunay na ebidensya sa benepisyo ng mga produktong may mas mababang panganib, sa halip na magpatupad ng malawakang pagbabawal na maaaring pumigil sa mga naninigarilyo sa pag-access ng mas ligtas na alternatibo.

Ipinakita ng hiring analysis na karamihan sa mga bagong D2 position ay nasa punong tanggapan ng WHO sa Geneva, na siyang may pinakamataas na gastusin. Malaki rin ang itinaas ng bilang ng mga posisyon sa iba’t ibang rehiyon, kabilang ang Africa.Naganap ang pagpapalawak na ito sa kabila ng $175 milyong kakulangan sa badyet ng WHO para sa 2025, na pinalala ng pag-atras ng Estados Unidos sa pagbibigay ng pondo — na dati’y humigit-kumulang 15 porsyento ng kita ng WHO.

Bilang tugon, inanunsyo ni Director-General Tedros Adhanom Ghebreyesus ang mga hakbang sa pagtitipid, kabilang ang hiring freeze, pagbabawas ng temporary staff, at pagbuo ng mga komite para sa karagdagang pagsusuri sa kahusayan. 

Nagsagawa rin ang WHO ng limitasyon sa mga kontrata at nag-alok ng early retirement options.

Ayon sa mga kritiko, mas apektado ng mga hakbang na ito ang mga mas mababang posisyon, habang patuloy namang dumarami ang mga matataas na opisyal. 

Iminungkahi rin nila ang paglilipat ng mga staff sa regional at country offices, pagbawas ng top-level positions, at pagpapatupad ng merit-based strategy sa human resources. 

Binanggit din ang kakulangan ng transparency sa gastos ng staff, dahil hindi isinasama sa publikadong salary figures ang mga allowance at benepisyo.

Tumaas din ang pagdepende ng WHO sa mga consultant, kung saan mahigit doble ang dami ng mga kontrata mula noong 2018. Nagbabala ang ulat na maaaring magdulot ito ng pagkawala ng institutional knowledge at kasanayan.

Ayon kay WHO Spokeswoman Margaret Harris, ang organisasyon ay nakatuon sa “cost containment” at paglilipat ng pondo sa mga country-level programs.

Nanawagan ang mga kritiko ng mas mataas na transparency sa gastusin sa staff at ng “recalibration of the pyramid” na nagbibigay-diin sa kahusayan at bisa, na dapat simulan sa pinakamataas na antas ng organisasyon. 

Wala pang tiyak na pahayag ang WHO kaugnay sa pagtaas ng D2 positions at kabuuang gastos sa staff.