Mas mababa ang panganib ng vaping kumpara sa paninigarilyo, ayon sa mga pag-aaral

ni Chit Luna @News | April 15, 2026

Tinatayang 8% hanggang 11% ng mga naninigarilyo ang matagumpay na nakatitigil gamit ang nicotine e-cigarettes. Mas mataas ito kumpara sa 6% na tagumpay mula sa nicotine replacement therapies o non-nicotine vapes. Photo: File

Ipinapakita ng mga siyentipikong pagsusuri at pananaw ng mga medical expert na ang paggamit ng electronic cigarettes o vapes ay may mas mababang panganib kumpara sa tradisyonal na paninigarilyo.

“Malinaw mula sa maraming pag-aaral na nailathala na ang antas ng exposure ng mga gumagamit ng vape sa mga carcinogen at oxidant ay napakababa. Ipinahihiwatig nito na ang panganib ng vaping ay malamang na napakaliit. Ang mga taong naninigarilyo ay maaaring manatiling panatag na ang vaping ay di hamak na mas mababa ang panganib kaysa sa paninigarilyo,” ayon kay University of Nottingham Epidemiology Emeritus Professor John Britton.

Ang e-cigarettes, o vapes, ay mga handheld device na naglalabas ng vapor sa pamamagitan ng pag-init ng likidong may nicotine at flavorings. Dahil hindi nito sinusunog ang tabako, naiiwasan ang maraming nakalalasong kemikal na karaniwang nalalanghap mula sa usok ng sigarilyo. Ang paggamit nito ay tinatawag na “vaping.”

Bukod sa vapes, kabilang din sa tinatawag na smoke-free alternatives ang heated tobacco products at nicotine pouches. Dahil walang combustion o pagsunog, hindi ito nagbubunga ng usok at nababawasan ang exposure sa mga mapanganib na sangkap na matatagpuan sa tradisyonal na sigarilyo.

Sa ulat na pinamagatang “E-cigarettes and harm reduction: An evidence review,” tinukoy ng Royal College of Physicians (RCP) na ang e-cigarettes ay maaaring maging mahalagang kasangkapan sa pagbawas ng pagkamatay, kapansanan, at hindi pagkakapantay-pantay na dulot ng paninigarilyo. Ayon sa institusyon, makatutulong ang ulat sa paghubog ng mga polisiya upang mahikayat ang mga naninigarilyo na huminto, habang pinipigilan ang kabataan at mga hindi naninigarilyo na magsimula sa bisyo.

Ang konklusyon ng RCP ay batay sa malawakang pagsusuri ng ebidensya—kabilang ang randomized controlled trials, biomarker studies, at population-level research—na sumuri sa exposure sa toxic substances at health outcomes ng iba’t ibang uri ng gumagamit sa loob ng ilang taon.

Bilang isa sa pinakamatagal at kinikilalang institusyong medikal sa mundo, matagal nang may impluwensiya ang RCP sa pandaigdigang public health policy. Isa ito sa mga unang naglatag ng siyentipikong babala tungkol sa panganib ng paninigarilyo noong dekada 1960.

Gayunman, ayon sa mga eksperto, nananatiling hamon ang pagtigil sa paninigarilyo para sa maraming tao kahit batid nila ang mga panganib nito.

“Nakita namin ang ebidensya na ang nicotine e-cigarettes ay nakatutulong sa mas maraming tao na tumigil sa paninigarilyo kumpara sa nicotine replacement therapy. Malamang na mas nakatutulong din ang nicotine e-cigarettes kaysa sa e-cigarettes na walang nicotine, ngunit kailangan pa ng mas maraming pag-aaral upang ganap na makumpirma ito,” ayon sa mga mananaliksik.

Batay sa pagsusuri ng Cochrane sa 104 na pag-aaral na may kabuuang 30,366 kalahok, tinatayang 8% hanggang 11% ng mga naninigarilyo ang matagumpay na nakatitigil gamit ang nicotine e-cigarettes. Mas mataas ito kumpara sa 6% na tagumpay mula sa nicotine replacement therapies o non-nicotine vapes, at 4% lamang sa mga tumigil nang walang anumang tulong.

Sa kanilang ulat na “Can electronic cigarettes help people stop smoking, and do they have any unwanted effects when used for this purpose?” natuklasan na ang paggamit ng nicotine e-cigarettes ay nakatutulong sa pagtigil sa paninigarilyo nang anim na buwan o higit pa. Ipinapakita ng ebidensya na mas epektibo ito kaysa sa nicotine replacement therapy at posibleng mas mabisa rin kaysa sa e-cigarettes na walang nicotine. Karamihan sa mga pag-aaral ay isinagawa sa United States (48) at United Kingdom (21).

Dagdag pa rito, ipinakita ng Cochrane na ang nicotine e-cigarettes ay nagpapataas ng posibilidad ng matagumpay na pagtigil sa paninigarilyo sa loob ng anim na buwan o higit pa. Batay sa siyam na pag-aaral na may 2,703 kalahok, mas epektibo ito kaysa sa nicotine replacement therapy. Samantala, sa pitong pag-aaral na may 1,918 kalahok, mas napatunayang mabisa rin ito kaysa sa non-nicotine e-cigarettes. Maaari rin itong mas maging epektibo kumpara sa walang intervention o behavioral support lamang.

Noong 2022, naglabas din ang Cochrane ng panibagong review na pinamagatang “How effective are medications and e-cigarettes for quitting smoking, and what works best?” na nakatuon sa mga randomized controlled trials.

Sa 332 pag-aaral na sinuri, 319 ang isinama sa final analysis, na sumasaklaw sa 157,179 na adult smokers. Lumabas sa review na ang e-cigarettes, varenicline, at cytisine ang may pinakamataas na posibilidad na makatulong sa pagtigil sa paninigarilyo.

Natukoy din na ang e-cigarettes ay nakatutulong sa 10 hanggang 19 sa bawat 100 naninigarilyo na tumigil sa bisyo. Kumpara ito sa 12 hanggang 16 gamit ang varenicline, 10 hanggang 18 gamit ang cytisine, at anim lamang kung walang anumang tulong.

“Kumpiyansa kami na ang e-cigarettes, cytisine, varenicline, nicotine replacement therapy, at bupropion ay nakatutulong sa mga tao na tumigil sa paninigarilyo,” ayon sa review.

Mahigpit na vape bans sa Asia maaaring nagtutulak sa illegal markets — experts

ni Chit Luna @News | March 16, 2026

File : FP

Ayon sa ilang international health advocates at policy experts, ang mga pagbabawal sa smoke-free nicotine alternatives ay maaaring nagdudulot ng paglago ng illicit markets, pagbaba ng tax revenues ng gobyerno at pagbabalik ng ilang consumers sa tradisyunal na sigarilyo.

Batay sa ebidensya mula sa iba’t ibang bansa, ang mga regulasyon na layong protektahan ang public health ay maaaring nagkakaroon ng unintended consequences kabilang ang patuloy na mataas na smoking rates.

Sa Southeast Asia, lumalawak ang illegal vape markets sa mga bansang may mahigpit na bans o restrictions. Ipinagbabawal sa Thailand, Singapore, Vietnam at Cambodia ang pagbebenta o pag-angkat ng e-cigarettes, ngunit ayon sa mga ulat at pag-aaral ay nananatiling accessible ang mga produkto sa pamamagitan ng illegal channels.

Sa Singapore, kung saan ipinagbawal ang vaping noong 2018, isang pag-aaral sa journal na Drug and Alcohol Review ang nag-ulat ng patuloy na “illegal vaping culture” kahit may mahigpit na penalties at enforcement. Sa Thailand naman, iniulat ng Bangkok Post noong Pebrero 2023 na nananatiling malawak ang availability ng vaping devices kahit may umiiral na ban.

Sinabi ni Dr. David Khayat, professor sa Pierre et Marie Curie University at dating adviser ni French President Jacques Chirac, na maaaring hindi na sapat ang mga dekada ng taxation at health warnings. Sa isang conference sa Dubai noong 2025, inihalintulad niya ang kasalukuyang nicotine bans sa prohibition era sa Estados Unidos noong 1920s.

“When you try to prohibit it, what's going to happen is mob, mafia, illicit trade and everything,” Khayat said.

Ayon sa Global State of Tobacco Harm Reduction (GSTHR) report, patuloy na nagdudulot ang tobacco ng humigit-kumulang 8 milyong pagkamatay bawat taon sa buong mundo. Sa ulat, binanggit na nananatiling mataas ang smoking prevalence sa low- and middle-income countries kung saan nakatira ang karamihan sa mga smokers.

Binanggit din sa report na ang mataas na buwis at outright bans ay maaaring magdulot ng impresyon na kasing panganib ng sigarilyo ang smoke-free alternatives. Ang ganitong “misperception of harm” ay maaaring pumigil sa mga smokers na lumipat sa lower-risk alternatives habang itinutulak ang bentahan sa unregulated markets.

Ayon kay Dr. Lorenzo Mata Jr., presidente ng Quit for Good, hindi pa nagdudulot ng makabuluhang pagbabago ang kasalukuyang global anti-smoking strategies.

“Smoking rates remain high, particularly in low- and middle-income countries where smokers are denied better alternatives to cigarettes due to the strategy promoted by the WHO. This also results in widespread smuggling and illicit trade,” Mata said.

Ipinapakita ng datos ng World Health Organization na umabot sa 1.25 billion ang global tobacco users noong 2022, halos dalawang dekada matapos ipatupad ang Framework Convention on Tobacco Control.

Sa India, ipinagbawal ang vaping noong 2019 sa ilalim ng Prohibition of Electronic Cigarettes Act ngunit nananatiling available ang mga unregulated devices sa informal channels. Ayon kay consultant cardio-endocrine physician Dr. Rohan Andrade Sequeira, limitado ang tagumpay ng nicotine replacement therapy para sa 250 milyong tobacco users sa bansa.

“There's no way out for these patients who are suffering from behavioral patterns of using tobacco or nicotine,” Sequeira said.

Sinabi ni Kurt Yeo, co-founder ng Vaping Saved My Life (VSML), na nagiging mahirap ang pagtigil sa paninigarilyo sa ilang African countries dahil sa kakulangan ng cessation support at sa malawak na illicit cigarette trade.

Binanggit ni JP Solis, presidente ng Science and Innovation Nicotine Advocacy Group (SINAG), ang lumalaking pagkakaiba ng policy approaches sa pagitan ng Western at Asian countries.

“Instead of reducing nicotine use, the restrictions appear to be shielding or indirectly promoting cigarettes, causing smoking rates to level off or potentially increase as users revert to combustible cigarettes,” Solis said.

“These restrictions can often push consumers towards illicit products while discouraging the development of innovative and less harmful technologies. A balanced approach would protect consumers far more than blanket bans,” he noted.

Isang pag-aaral mula sa University of Queensland ang nagpakita ng pagkakaiba sa policies ng Australia at New Zealand. Habang mahigpit ang restrictions sa nicotine vapes sa Australia, pinapayagan naman ang regulated adult sales sa New Zealand. Natuklasan ng pag-aaral na bumaba ng 10 percent bawat taon ang daily smoking sa New Zealand mula 2016 hanggang 2023, kumpara sa 5 percent decline sa Australia.

Ayon kay Dr. K. Michael Cummings ng Medical University of South Carolina, ipinapakita ng ebidensya mula sa United States, England at Sweden na ang regulated access sa lower-risk nicotine products ay maaaring magpabilis sa pagbaba ng cigarette use.

Paglipat sa e-cigarettes maaaring magpababa ng panganib para sa mga pasyenteng sumailalim sa operasyon sa puso

ni Chit Luna @News | March 12, 2026

File photo

Ipinakita ng isang malawak na pag-aaral sa South Korea na inilathala sa European Heart Journal na ang tuluyang paglipat sa electronic cigarettes (e-cigarettes) ay maaaring magdulot ng mas mababang panganib sa mga pasyenteng sumailalim sa operasyon sa puso.

Ito ay kumpara sa mga pasyenteng patuloy na gumagamit ng tradisyunal na sigarilyo matapos sumailalim sa isang major heart procedure.

Sa pag-aaral na pinamagatang "Prognosis after switching to electronic cigarettes following percutaneous coronary intervention," natuklasan na mas mababa ang posibilidad ng major adverse cardiovascular events (MACE) sa mga naninigarilyo na tuluyang lumipat sa e-cigarettes kumpara sa mga hindi tumigil sa paggamit ng tradisyunal na sigarilyo.

Ang naturang pag-aaral ay pinangunahan ni Danbee Kang ng Samsung Medical Center at Sungkyunkwan University. Nakatuon ito sa mga pasyenteng may coronary artery disease (CAD) na sumailalim sa percutaneous coronary intervention (PCI), isang procedure na ginagawa upang mabuksan ang mga baradong ugat sa puso.

Sinuri ng mga mananaliksik ang isang nationwide cohort upang matukoy kung paano nakaapekto ang mga pagbabago sa smoking habits matapos ang operasyon sa pangmatagalang kalagayan ng kalusugan ng mga pasyente.

Batay sa kanilang resulta, ang pagbawas sa panganib ng cardiovascular events sa mga lumipat sa vaping ay halos kapantay ng mga pasyenteng tuluyang tumigil sa paninigarilyo.

Ipinakita rin ng pag-aaral na mas ligtas ang mga "full switchers" o ang tuluyang tumigil sa paggamit ng sigarilyo kumpara sa mga gumagamit ng parehong vape at tradisyunal na sigarilyo.

Napag-alaman din na bumubuti ang endothelial function—ang kalusugan ng lining ng mga ugat—kapag naalis ang paglanghap ng usok na naglalaman ng tar at carbon monoxide.

Bagama’t iginiit ng European Society of Cardiology (ESC) na ang "gold standard" ay ang ganap na pagtigil sa anumang produktong may nicotine, kinilala ng mga Korean researchers ang praktikal na hamon na kinahaharap ng maraming pasyente.

Ayon sa grupo, ang pinakamainam pa rin ay ang tuluyang paghinto sa paggamit ng nicotine. Gayunpaman, kung hindi ito agad magagawa, mas mabuting opsyon ang paglipat sa e-cigarettes.

Ipinakita rin sa pag-aaral na halos 60 porsiyento ng mga pasyente ang nahihirapang tuluyang tumigil sa paninigarilyo kahit na nakaranas na sila ng seryosong heart attack o sumailalim sa operasyon sa puso.

Dahil dito, nakikita ang paglipat sa vaping bilang isang "viable alternative" o pansamantalang hakbang upang mabawasan ang posibilidad ng panibagong atake sa puso.

Ang e-cigarettes ay kabilang sa mga tinatawag na tobacco harm reduction (THR) products, kasama ang heated tobacco at nicotine pouches, na idinisenyo upang mabawasan ang pinsala sa kalusugan sa pamamagitan ng pag-aalis ng usok na nagmumula sa pagsusunog ng tabako.