Parang naging meeting-de-abanse ang reunion ng oposisyon sa pag-alala kay ex-P-Noy

ni Ka Ambo - @Bistado | June 27, 2021

Biglang pinuri ng mga kritiko si ex-P-Noy.

Ito ay kung kailan “wala” na siya!

◘◘◘

NAI-CREMATE ang labi ng dating pangulo.

Pero, bakit ililibing pa rin?

◘◘◘

HINDI COVID ang sanhi ng pagyao ni ex-P-Noy.

Taliwas sa unang ulat na lung cancer, renal failure ang nakamarka sa kanyang death certificate.

Nananatiling misteryoso ang kanyang buhay at kamatayan!

◘◘◘

AKTUWAL nang naglaho ang COVID sa Metro Manila.

Ito ay malinaw na mayroon ng herd immunity ang Kamaynilaan!

◘◘◘

SORPRESANG kumakalat ang COVID sa malalayong lalawigan.

Parang giyera ‘yan, kailangan ang “last stand”!

◘◘◘

NILALANGAW ang ilang vaccination center.

Ang ilan naman ay kapos ng suplay ng bakuna.

Supply management ang kailangan!

◘◘◘

NAKAAAMOY na tayo ng COVID-free Xmas.

Mainam naman!

◘◘◘

KAHIT wala nang COVID.

Pero, kapansin-pansin ang matumal pa ring negosyo!

◘◘◘

MABUBUHAY pa ba ang namatay nang negosyo?

Napakahirap maghanap ng sagot hinggil dito!

◘◘◘

WALA pa ring bakuna na nakalaan sa mga estudyante.

Unahin ninyo ang mga principal at titser!

◘◘◘

NAG-AALA India sa Indonesia.

Kahit vaccinated na ang mga doktor ay napapatay pa ng COVID!

◘◘◘

DAGAT lang ang pagitan ng Indonesia at Mindanao.

Hindi kaya bahagi ‘yan ng isang malawak na atake ng COVID!

◘◘◘

ANG fourth wave ng COVID ay maaaring magdaan sa “backdoor”.

Hindi ‘yan imposible!

◘◘◘

PINANGHIHINA ng COVID ang “puso”.

Ito mismo ang dahilan kaya walang nakararanas ng “coma”, bagkus ay dedbol agad!

◘◘◘

MAGIGING meeting-de-abanse ang reunion ng oposisyon sa pag-alala kay ex-P-Noy.

Matapos niyang ilibing, maaari nang magdeklara ng panlaban ang oposisyon sa 2022 presidential race!

◘◘◘

MAY kutob tayong, mapapagitna na si VP Leni.

Dumating na ang signos mula sa “langit”!