Para sa mister na si Manny… BRANDED BAGS NI JINKEE, FOR SALE NA!

ni Erlinda Rapadas - @Teka Nga | March 3, 2022

Kasabay ng paglo-launch ng kanyang sariling skin care products, nagkaroon ng charity bazaar sa Makati Diamond Residences si Jinkee Pacquiao.

Dito ay ibinenta ni Jinkee ang ilan sa kanyang mga branded bags na halos hindi pa niya gaanong nagagamit. Bahagi ng kikitain sa charity ay ido-donate raw niya sa mga nasalanta ng bagyong Odette sa Visayas at Mindanao.

Bukod kay Jinkee, may mga gamit din si Heart Evangelista at ilan sa kanilang mga non-showbiz friends na ibinebenta sa charity bazaar.

Samantala, proud si Jinkee sa kanyang mga produktong pampaganda ng kutis, ang Jinkee Skin.

Mahigit dalawang taon nila itong idinebelop at tried and tested niya na ito ay epektibo,

Hands-on si Jinkee sa kanyang skin care business. At ngayon, handa na niyang ilabas sa merkado ang Jinkee Skin. Marami nang orders ng kanyang produkto maging abroad.