Para sa migrant simula 2027... New Zealand, magre-require ng citizenship test

ni BRT @News | May 7, 2026

Photo: New Zealand - Immigration Chambers Legal

Simula 2027, kinakailangan nang maipasa ng mga migrant na nagnanais magkaroon ng New Zealand citizenship ang isang test, ayon sa internal affairs minister ng bansa.

Personal na isasagawa ang pagsusulit na bubuuin ng 20 multi-choice questions sa English language. Kinakailangang masagutan nang tama ang 15 o higit pang mga tanong upang makapasa.

Kabilang sa topics para sa test ang Bill of Rights Act, human rights, iba’t ibang criminal offences, voting rights, democratic principles, structure ng pamahalaan, at travel mula at patungong New Zealand.

“This test ensures people have sufficient knowledge of their responsibilities and privileges before receiving citizenship ⁠by grant,” saad ni Internal Affairs Minister Brooke van Velden. (BRT)