12 patay, 300 sugatan... Pag-atake sa Riyadh Airport, 3 Pinoy nadale

by BRT @Overseas News | October 11, 2026

Photo: Pag-atake sa King Khalid International Airport sa Riyadh, Saudi Arabia - Al Jazeera

Umakyat na sa tatlo ang bilang ng mga Pilipinong nasugatan sa pag-atake sa King Khalid International Airport sa Riyadh, Saudi Arabia, ayon kay Department of Migrant Workers (DMW) Secretary Hans Leo Cacdac nitong Linggo, Oktubre 11.

Ayon sa ulat, 12 katao ang nasawi at mahigit 300 ang nasugatan sa ikatlong pag-atake sa paliparan ngayong linggo.

Tinamaan umano ng missile ang airport complex, kabilang ang mga Terminal 3 at 4 na ginagamit para sa mga domestic flight.

Sinabi ni Cacdac na dalawa sa mga Pilipinong biktima ang kasalukuyang nasa intensive care unit (ICU) ng isang ospital sa Riyadh. Hindi pa inilalabas ang kanilang pagkakakilanlan at iba pang detalye tungkol sa kanilang kondisyon.

Tiniyak naman ng DMW ang tulong sa mga apektadong OFW habang patuloy ang pakikipag-ugnayan nito sa Philippine Embassy sa Riyadh para sa mga bagong impormasyon.