Para raw sa anak nilang may mild autism… PRAMIS NI KRIS, SECOND CHANCE NILA NI KATRINA, ‘DI NA SASAYANGIN

ni Vinia Vivar @Frankly Speaking | June 20, 2026

Photo: Katrina Halili at Kris Lawrence - IG

Inamin ng singer-actor na si Kris Lawrence na simula nang maging maayos ang co-parenting setup nila ni Katrina Halili sa kanilang anak na si Katie ay nag-improve rin ang kondisyon ng kanilang 13-year-old daughter.

Matatandaang matagal nang in-open up ni Katrina sa publiko na may mild autism spectrum disorder (ASD) si Katie.

Sa panayam sa OPM singer-rapper sa vlog na Hot Takes, sinabi niyang malaking bagay para sa kanilang anak na naging okay na sila ni Katrina.

“This year, I’m very, very grateful that Kat made the decision that we’re co-parenting like a hundred percent and everything’s so beautiful right now.

“Napansin namin ‘yung smile, it had a big shift. Katie’s smile is so much better, it’s so genuine. It almost feels like she doesn’t have autism. And I believe it’s because the energy is all back and it’s all whole now,” pahayag ni Kris.

“Now she feels the love from both parents. I’m there every single day. She sees that me and Kat are happy. So, if the fact that me and Kat are happy, it trickles down into her and it makes her feel secure and it makes her feel loved, and it just shows. The magnitude is just phenomenal,” dagdag pa niya.

Natanong din si Kris kung willing ba siya to give love another chance since okay naman sila ni Katrina ngayon. 

Aniya, natuto na siya sa kanyang pagkakamali kaya hindi na niya sasayangin pa ang second chance na ito.

“I mean, I’m already here, right? I think the fact that Kat let me in because last year was a rough year, it was a super rough year, I think she was going through something and I just wasn’t given the chance to be there for Katie.

“But this year, whatever clicked in her head and let her make the decision to say, ‘You know what, let’s let bygones be bygones at magtulungan tayo for Katie.’

“I thought that was a very mature decision, and I’m very, very grateful that it happened because now I’m there. Kung anuman ‘yung pagkukulang ko dati, siguro naman, bumabawi ako nang todo-todo ngayon.

“And going back to your question, if I am given a second chance, it’s something that I am not going to f—ck up. Something that I’m not going to mess up. It’s one of those situations, ‘Don’t mess this up, Kris,’” pahayag ng ama ng anak ni Katrina.

Nang matanong naman kung ano ang mensahe niya para kay Katrina Halili, sey niya, “Thank you for siguro, giving this another chance, whatever this is and whatever this will lead into. And just know that I’m here, I got you. We’re taking this one step at a time, and just know that aalagaan ko ‘tong second chance na ‘to.”

---

IBIBIDA ng Regal Studio Presents (RSP) ang kuwento ng mag-amang naghahanap ng second chances kasabay ng pagdiriwang ng Father’s Day ngayong Linggo, Hunyo 21.

Bibigyang-buhay nina Ahron Villena at Jane Mounter sina Colin at Janine sa episode na Instant Daughter (ID).

Umiikot ang buhay ni Colin sa party, babae, at kayamanan. Isa siyang binata na walang pakialam sa mundo, babaero at hindi pumapasok sa seryosong relasyon.

Ginagawa ni Colin kung ano lamang ang kanyang gusto pero walang paninindigan hanggang magbago ang lahat nang malaman niyang mayroon siyang cancer.

Ang mabilis na takbo ng kanyang buhay ay tila biglang nagtapos. Magugulat siya dahil may darating sa pintuan ng kanyang bahay, si Janine, na nagpapakilalang long-lost daughter niya.

Hindi naniniwala si Colin sa mga sinasabi ni Janine, pero nang ikinuwento nito ang tungkol sa nanay niya, babalik sa isip at puso ni Colin ang kaisa-isang babaeng kanyang minahal.

Sa wakas, may dahilan na ang buhay ni Colin. Gusto na niyang magsimulang muli, ngunit parang huli na ang lahat at nauubusan na siya ng oras.

Napapanood ang Regal Studio Presents tuwing Linggo, 2:00 PM sa GMA-7.