Panic pa more sa bagong covid variant

ni Ka Ambo - @Bistado | November 28, 2021

Nagpa-panic ang buong mundo sa bagong COVID variant na Omicron.

Nakupo!

◘◘◘

ERENG mga Pinoy, patuloy pa rin ang motorcade at caravan.

Huwag sanang magkahawahan!

◘◘◘

HINDI kayang pigilin ng gobyerno ang paglalamyerda ng mga Pinoy ngayong Kapaskuhan.

Para silang nakawala sa kural!

◘◘◘

INAASAHANG magpapaluwag sa ekonomiya ang paggala ng mga tao.

Sana na!

◘◘◘

MARAMI na ring estudyante ang nalagyan ng bakuna.

Preparasyong ito sa face-to-face classes.

Huwag sanang mausyami!

◘◘◘

KAAWA-AWA naman ang mga estudyante kapag tinamaan ng COVID-19.

Masisisi ang gobyerno!

◘◘◘

AMINADO ang mga titser at magulang na walang gaanong natutuhan ang mga bata sa online class.

Nagbakasyon lang sila nang dalawang taong singkad!

◘◘◘

MARAMI namang dumaraing na obrero na naalipin sa work from home scheme.

Ibinilanggo sila sa sarili nilang bahay!

◘◘◘

SA pag-upo ng bagong pangulo sa 2022, pangangasiwaan niya ang kakaibang henerasyon.

'Yan ay aktuwal na “Bagong Lipunan”!

◘◘◘

ANG lahat ng transaksiyon ay naka-online.

Wala nang aktuwal na “cash”.

Lahat ay online-payment!

◘◘◘

LUGI rin ang mga mall at palengke.

Kasi’y online trading with delivery!

◘◘◘

MABABAWASAN nang malaki ang tellers sa mga bangko.

Mababawasan din ng malaki ang bilang ng mga salesclerk!

◘◘◘

ANG holdaper sa kalye ay mawawalan ng delihensiya.

Wala na kasing kartomeda o wallet ang mga tao!